សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យៈ យុវជន៤នាក់បានបបួលគ្នាទៅជក់គ្រឿងញៀននៅក្នុងផ្ទះ ប្រជាពលរដ្ឋអ្នកជិតខាងសង្ស័យក៏ប្តឹងរាយកាណ៍ទៅនគរបាល ក្រុងប៉ោយប៉ែត អធិការនគរបាលក្រុងប៉ោយប៉ែត លោកវរសេនីយ៍ឯក ធិន ស៊ិនដេត ក៏បានដឹកនាំកម្លាំង និងមានការសម្របសម្រួលពីព្រះរាជអាជ្ញាអមសាលាដំបូងខេត្តបន្ទាយមានជ័យ លោកមាស ច័ន្ទពិសិដ្ឋ ក៏ឆ្មក់ចូលបង្រ្កាបឃាត់ខ្លួនពួកគេ ដែលកំពុងសម្ងំជក់គ្រឿងញៀនជាក់ស្តែង ។
ការបង្រ្កាប សមត្ថកិច្ចធ្វើឡើងកាលពីថ្ងៃព្រហស្បតិ៍ ៣កើត ខែជេស្ឋ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី១៧ ខែឧសភា ឆ្នាំ២០១៨ ម៉ោង ១៤ និង ២៥ នាទី ស្ថិតនៅភូមិក្បាលស្ពាន២ សង្កាត់ប៉ោយប៉ែតក្រុងប៉ោយប៉ែត ខេត្តបន្ទាយមានជ័យ ។
លោកវរសេនីយ៍ឯក ធិន ស៊ិនដេត អធិការនគរបាលក្រុងប៉ោយប៉ែត ប្រាប់ឱ្យដឹងថា កម្លាំងនគរបាលក្រុងប៉ោយប៉ែត ក្រោមការអនុវត្តតាមផែនការនិងបទបញ្ជារបស់លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ ពាក់ព័ន្ធបញ្ហាគ្រឿងញៀន លោកបាននិងដឹកនាំកម្លាំងអនុវត្តនិងដោះស្រាយបញ្ហាគ្រឿងញៀននៅក្រុងប៉ោយប៉ែត ជាប្រចាំគឺមិនបន្ធូដៃឡើយ ពីព្រោះគ្រឿងញៀនបាននាំឱ្យបង្កអសន្តិសុខ និងធ្វើឱ្យប្រជាពលរដ្ឋភ័យខ្លាច។
លោកអធិការប្រាប់ទៀតថា ជនសង្ស័យ៤នាក់៖
១ / ឈ្មោះ ហ៊ួរ សម្ភស្ស ប្រុស អាយុ ២៣ ឆ្នាំ មុខរបរកម្មករ រស់នៅភូមិក្បាលស្ពាន ២ សង្កាត់ក្រុងប៉ោយប៉ែត ខេត្តបន្ទាយមានជ័យ
២ / ឈ្មោះ តិ ឌីណា ប្រុស អាយុ ១៩ ឆ្នាំ មុខរបរកម្មករ រស់នៅភូមិបាលិលេយ្យ ១
៣ / ឈ្មោះ ហ៊ួរ ភក្តី ប្រុស អាយុ ២៦ ឆ្នាំ មុខរបរជាងសំណង់ រស់នៅភូមិក្បាលស្ពាន ២ សង្កាត់ក្រុងប៉ោយប៉ែតបន្ទាយមានជ័យ
៤ / ឈ្មោះ ឈុំ លីម៉េង ប្រុស អាយុ ២៦ ឆ្នាំ មុខរបរ បុគ្គលិក កាសុីណូផ្កាយ ៥ រស់នៅភូមិបាលិលេយ្យ ២ សង្កាត់ក្រុងប៉ោយប៉ែត ខេត្តបន្ទាយមានជ័យ ។
ដកហូតបានសម្ភារះវត្ថុតាងរួមមានៈ ម៉្សៅក្រាមសថ្លាចំនួន ១៤ ថង់តូច ជនសង្សយ័ទាំង៤នាក់កំពុងស៊ើបសួរនៅអធិការក្រុងប៉ោយប៉ែត ដើម្បីរងចាំបញ្ជូនទៅកាន់ស្នងការដ្ឋាននគរបាល ខេត្តអនុវត្តតាមនីតិវិធីច្បាប់ ៕ សំ វិច្ឆិកា
