សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្ដាល៖ បុរសម្នាក់ជិះម៉ូតូឌុបប្រពន្ធដែលមានកូនក្នុងផ្ទៃបានបន្ថែមល្បឿន ជែងរថយន្តនៅខាងមុខតែជាអកុសលទាក់ដៃចង្កូនម៉ូតូមួយគ្រឿងទៀតជិះច្រាស់ទិសគ្នានៅខាងមុខ បណ្ដាលឲ្យដួលខ្ទាតចូលទៅក្រោមរថយន្តបើកមកពីក្រោយកិនស្លាប់ទាំង២នាក់រួមទាំងកូនក្នុងផ្ទៃយ៉ាងអាណោចអាធ័ម ។
ហេតុការណ៍គ្រោះថ្នាក់ចរាចរណ៍ខាងលើនេះ បានកើតឡើងនៅវេលាម៉ោង១៨ និង៥០នាទី ថ្ងៃសុក្រ ៤កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៨ ខែឧសភា ឆ្នាំ២០១៨ នៅលើកំណាត់ផ្លូវជាតិលេខ៥ ត្រង់ចន្លោះគីឡូម៉ែត្រលេខ៣៦ លេខ៣៧ ស្ថិតក្នុងភូមិអំពិលដាំទឹក ឃុំ វិហារហ្លួង ស្រុកពញាឮ ខេត្តកណ្ដាល ។
មន្ត្រីនគបាលចរាចរណ៍ស្រុកពញាឮបានឲ្យដឹងថា ជនរងគ្រោះស្លាប់បាត់បង់ជីវិតឈ្មោះ ធ្លក សុផល ភេទប្រុស អាយុ៤៦ឆ្នាំ ជិះម៉ូតូម៉ាកស៊ុយហ្ស៊ូគីវីវ៉ា ពណ៌ខ្មៅ ពាក់ស្លាកលេខ1CW-9293 មានអ្នករួមដំណើរ២នាក់ ម្នាក់ឈ្មោះ ចាន់ សុខឃីម អាយុ៤២ឆ្នាំ (ស្លាប់) ដោយមានកូនក្នុងផ្ទៃផងដែរ និងអ្នករួមដំណើម្នាក់ទៀតរងរបួសស្រាល នៅមិនទាន់ស្គាល់ឈ្មោះត្រូវបញ្ជូនទៅកាន់មន្ទីរពេទ្យគុន្ធបប្ផាតាមរថយន្តសាម៉ុយហើយ ។ អ្នកទាំង៤ត្រូវជាប្តីប្រពន្ធ និងកូនមានទីលំនៅភូមិ ស្រែចិន្ដា ឃុំព្រះស្រែ ស្រុកឧដុង្គ ខេត្តកំពង់ស្ពឺ ។ ចំពោះភាកគីម៉ូតូម្ខាងទៀតបើកបរដោយឈ្មោះ ឆួ ឆាងឈុន ភេទប្រុសអយុ ១៧ឆ្នាំរស់នៅភូមិកំពង់ចុះវ៉ា របួសស្រាល អ្នករួមដំណើរ ឈ្មោះ ប៉ាន កុសល់ ភេទប្រុស អាយុ១៩ឆ្នាំ រស់នៅភូមិចេតីយ៍ថ្មី អ្នកទាំងពីរនៅក្នុងឃំវិហារហ្លួង ស្រុកពញាឮ ខេត្តកណ្ដាលរងរបួសស្រាលចូលព្យាបាលមន្ទីរពេទ្យនៅស្រុកពញាឮ ។ ដោយឡែកចំពោះរថយន្តដែលកិនមនុស្សស្លាប់ម៉ាក ហ៊ីយ៉ាន់ដាយ ពណ៍ស ពាក់ស្លាកលេខ ភ្នំពេញ 3B-9354 ប្រភេទរថយន្តធន់ធំដឹកទំនិញ បើកបរដោយឈ្មោះ ព្រាប ធា ភេទប្រុស អាយុ៣២ឆ្នាំ រស់នៅភូមិ និងកំពង់ត្រាច ស្រុករមាសហែកខេត្ត ស្វាយរៀង (ត្រូវបានឃាត់ខ្លួន) ។
ប្រភពដដែលបន្តថា នៅមុនពេលកើតហេតុសាក្សីបានឃើញជនរងគ្រោះដែលស្លាប់បាត់បង់ជីវិតខាងលើ ជិះម៉ូតូឌុបប្រពន្ធដែលមានកូនក្នុងផ្ទៃ និងកូនម្នាក់ទៀតដែលររងរបួសស្រាល ធ្វើដំណើរតាមបណ្ដោយផ្លូវជាតិលេខ៥ លុះជិះមកដល់ចំណុចកើតហេតុជនរងគ្រោះបានបន្ថែមល្បឿនជែងរថយន្តបើកនៅខាងមុខ តែមិនប្រយ័ត្នបានទៅទាក់ដៃចង្កូតជាមួយម៉ូតូ១គ្រឿងទៀតបើកច្រាស់ទិសគ្នានៅខាងមុខ បណ្ដាលឲ្យខ្ទាតចូលទៅក្រោមកង់រថយន្តត្រូវរថយន្តកិនស្លាប់ទាំងប្តី និងប្រពន្ធមានកូនក្នុងផ្ទៃ រីឯកូនម្នាក់ទៀតរងរបួសស្រាល ។ ចំពោះកូនជនរងគ្រោះត្រូវបានរថយន្តសាមុយដឹកបញ្ជូនទៅសង្រ្គោះនៅមន្ទីរគុន្ធៈបុប្ផារាជធានីភ្នំពេញ ។ រីអ្នកបើកបររថយន្តត្រូវបានសមត្ថកិច្ចឃាត់ខ្លួន ។ ដោយឡែកមធ្យោបាយពាក់ព័ន្ធទាំង២គ្រឿងត្រូវបានសមត្ថកិច្ចជំនាញចុះវាស់វែង និងកសាងឯកសារដកហូតយកទៅរក្សាទុកនៅអធិការដ្ឋាននគរបាលស្រុកដើម្បីចាត់ការតាមច្បាប់ ។ ចំពោះសាកសពសមត្ថកិច្ចបានប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណី ៕ ស្អាងជ័យ
