សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់៖ នាព្រឹកថ្ងៃព្រហស្បតិ៍ ១០កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៤ ខែឧសភា ឆ្នាំ២០១៨ នៅក្នុងបរិវេណសាលាខេត្តពោធិ៍សាត់ ស្ថិតក្នុងភូមិពាលញែក២ សង្កាត់ផ្ទះព្រៃ ក្រុង-ខេត្តពោធិ៍សាត់។
ប្រារពិធីសម្ភោធដាក់ឲ្យប្រើប្រាស់នៃអគាររដ្ឋបាលសាលាខេត្តពោធិ៍សាត់ ក្រោមអធិបតីភាពសម្ដេចក្រឡាហោម ស ខេង ឧបនាយករដ្ឋមន្រ្តីរដ្ឋមន្រី្តក្រសួងមហាផ្ទៃ និងប្រតិភូអមដំណើរជាច្រើនរូប មន្រ្តីរាជការកងកម្លាំងប្រដាប់អាវុធ តាមបណ្ដាមន្ទីរ ក្រុង ស្រុក ឃុំ និងប្រជាពលរដ្ឋយ៉ាងច្រើនកុះករផងដែរ។
ក្នុងឱកាសនោះលោក ម៉ៅ ធនិន អភិបាលខេត្តពោធិ៍សាត់ មានប្រសាសន៍ស្វាគមន៍ដល់អង្កពិធី រួមទាំងអានសុន្ទរកថាពាក់ព័ន្ធទៅនឹងហេដ្ឋារចនាសម្ពន្ធខេត្តពោធិ៍សាត់ ក្នុងនោះសម្ដេចក្រឡាហោម ស ខេង ឧបនាយករដ្ឋមន្រ្តីរដ្ឋមន្រី្តក្រសួងមហាផ្ទៃមានប្រសាសន៍សំខាន់ៗផងដែរ៕ ប៉ឹម ពិន
