សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ កងពលធំអន្ដរគមន៍លេខ២ ម្នាក់ជិះម៉ូតូធ្លាក់លូដួលបោកក្បាលស្លាប់នៅកន្លែងកើតហេតុ ហេតុការណ៍នេះបានកើតឡើងកាលពីរំលងអធ្រាត្រ ឈានចូលថ្ងៃព្រហស្បតិ៍ ១០កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៤ ខែឧសភា ឆ្នាំ២០១៨ ត្រង់ចំណុចភូមិ បន្ទាយស្រី ឃុំខ្នាយចាស់ ស្រុកបន្ទាយស្រីខេត្តសៀមរាប ។
បើតាមព័ត៌មានពី មន្រ្ដីកងរាជអាវុធហត្ថ ស្រុកបានឲ្យដឹងថា ជនរងគ្រោះឈ្មោះ ឈឹម ដីដុំ ភេទប្រុស អាយុ២៨ឆ្នាំ មានលំនៅដ្ឋាននៅភូមិ ស្រះខ្វាវ ឃុំបន្ទាយស្រី ស្រុកបន្ទាយស្រី ខេត្តសៀមរាប មុខរបរជាយោធាកងពលធំអន្ដរគមន៍លេខ២ បានជិះម៉ូតូ សង សេ ១២៥ ពណ៍ខ្មៅ ពាក់ផ្លាកលេខ សៀមរាប 1X3360 បានបើកបរមកដល់ចំនុចខាងលើ ក៏ធ្លាក់លូដួលបោកក្បាលស្លាប់តែម្ដង។
បច្ចុប្បន្នសមត្ថកិច្ចបានចុះវាស់វែង ធ្វើកំណត់ហេតុ និងប្រគល់សាកសពឲ្យសាច់ញាតិក្រុមគ្រួសារចាត់ចែងធ្វើបុណ្យតាមប្រពៃណី ។
តាមការសន្និដ្ឋានរប់ស់សមត្ថកិច្ច ថាជនរងគ្រោះទំនងជាស្រវឹងស្រា ៕ ប៊ុន រិទ្ធី
