សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះវិហារ ៖ រថយន្ត SIENNA មួយគ្រឿង ពាក់ស្លាកលេខ ភ្នំពេញ 2 AC3088 ពណ៌ស ពេលកំពុង បើកលឿន ស្រាប់តែបែកកង់ ក្រឡាប់ផ្ងារជើង ក្អួតចេញ សុទ្ឋតែឈើប្រណីត កាលពីរសៀល ថ្ងៃ ចន្ទ ១៤ កើត ខែ ជេស្ឋ ឆ្នាំ ច សំរឹទ្ធិស័ក ព.ស. ២៥៦២ ត្រូវនឹងថ្ងៃទី២៨ ខែឧសភា ឆ្នាំ២០១៨ ស្ថិតនៅចន្លោះ គីឡូម៉ែត្រ លេខ ៥៨-៥៩ តាមបណ្តោយផ្លូវជាតិលេខ៦២ ក្នុងភូមិរំចេក ឃុំរមណី ស្រុករវៀង ខេត្តព្រះវិហារ។
សមត្ថកិច្ចនគរបាលស្រុករវៀង បានឲ្យដឹងថា រថយន្តនេះ បានលួចដឹកឈើ ប្រណីត គេចពីសមត្ថកិច្ច ដើម្បីយកទៅលក់ តែដោយសារតែ ដាក់ឈើច្រើនពេក ហើយបើកលឿនផងនោះ បានបណ្តាលឲ្យ បែកកង់ខាងឆ្វេង ក្រឡាប់ផ្ងារជើង តែសំណាងល្អ មិនបណ្តាលឲ្យ នរណា ម្នាក់រងគ្រោះនោះទេ ។អ្នកជិះក្នុងរថយន្តនេះឃើញ សភាពមិនស្រួលក៏ បាននាំគ្នារត់គេចខ្លួន បាត់ស្រមោល បន្សល់ទុកតែ ឈើប្រណីត ប្រភេទធ្នង់ ជាច្រើនដុំ រាយប៉ាយពេញផ្លូវ និង រថយន្តនៅកន្លែងកើតហេតុ ត្រូវសមត្ថកិច្ចមូលដ្ឋានយកទៅរក្សាទុក ៕ សហការី
