សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសញៀនថ្នាំម្នាក់ត្រូវបានសមត្ថកិច្ចខណ្ឌឫស្សីកែវចាប់ខ្លួនភ្លាមៗបន្ទាប់ពីចាប់ក្នេងស្រីអាយុ៤ឆ្នាំរំលោភតាមរន្ធគូថរួចខ្ទប់មាត់ និងច្រមុះសម្លាប់យកសពទៅញាត់ចូលក្នុងពាងទឹករួចខ្លួនបានតែប្រហែល២ម៉ោងប៉ុណ្ណោះក៏ត្រូវប៉ូលិសចាប់បានតែម្តង ។
ហេតុការណ៍នេះបានកើតឡើងកាលពីយប់ថ្ងៃអង្គារ៍១៥ កើតខែជេស្ឋ ឆ្នាំចសំរិទ្ធិស័ក ព.ស ២៥៦២ ត្រូវ និងថ្ងៃទី ២៩ ខែឧសភាឆ្នាំ២០១៨ វេលាម៉ោង៨និង៣០នាទី នៅចំណុចផ្ទះគ្មានលេខ ក្រុម ៥ ភូមិ ក សង្កាត់ច្រាំងចំរេះ ២ ខ័ណ្ឌឫស្សីកែវ ។
សមត្ថកិច្ចឱ្យដឹងថាជនរងគ្រោះ ឈ្មោះខា ស្រីចាន់ ភេទស្រីអាយុ៤ឆ្នាំមានទីលំនៅផ្ទះលេខគ្មាន ក្រុម ៥ ភូមិ ក សង្កាត់ច្រាំងចំរេះ ២ ខណ្ឌឫស្សីកែវ មុខរបរ កុមាររីឯជនសង្ស័យឈ្មោះង្វៀងយ៉ាំង យីភេទ ប្រុស អាយុ ៣៣ ឆ្នាំ ជនជាតិវៀតណាមមានទីលំនៅផ្ទះគ្មានលេខ ក្រុម៥ភូមិ កសង្កាត់ច្រាំងចំរេះ២ខណ្ឌឫស្សីកែវមុខរបរលក់ដូរ ។
បើតាមឪពុកក្មេងស្រីរងគ្រោះឈ្មោះ ខាហ៊ូ អាយុ៣២ឆ្នាំបានឱ្យដឹងថា កាលពីថ្ងៃទី២៩ខែឧសភាឆ្នាំ២០១៨វេលាម៉ោង ១៩នឹង២៥ពេលមេឃកំពុងតែភ្លៀងក្មេងរងគ្រោះក៏សុំឪពុកមុជទឹកភ្លៀងលេងហើយរត់លេងបាត់ទៅ ពេលរាំងភ្លៀងស្រាប់តែបាត់កូនឈឹងមិនឃើញមកផ្ទះវិញ ក៏ដើរកគ្រប់ទីកន្លែងតែរកមិនឃើញ ក៏នាំគ្នាឡើងលើផ្ទះទុកចោលមួយនៅក្បែរផ្ទះជនសង្ស័យ ក៏ស្រាប់តែឃើញកូនស្រីនៅក្នុងពាងគ្មានទឹកទុកចោលលើផ្ទះនោះមានតែអាវដោយស្រាតល្វែងក្រោម ។
ប្រភពបន្តថា ពេលឃើញបែបនេះនឹកស្មានថានៅរស់ក៏យកកូនទៅមន្ទីរពេទ្យសម្តេចឪគីឡូម៉ែត្រលេខ៦តែត្រូវគ្រូពេទ្យបញ្ជាក់ថាស្លាប់បាត់ទៅហើយ។
សមត្ថកិច្ចឱ្យដឹងថា បន្ទាប់ពីមានករណីរំលោភសម្លាប់កើតឡើងកំលាំងជំនាញខណ្ឌ និងប៉ុស្ត៍បានបែងចែកជាពីរក្រុមក្រុមទី១ សហការណ៍កំលាំងការិយាល័យបច្ចេកទេសវិទ្យាសាស្ត្រ និងវិជ្ជបណ្ឌិតតុលាការពិនិត្យសាកសព និងក្រុមទី២ ចុះស្រាវជ្រាវជុំវិញកន្លែងកើតហេតុរហូតឈានទៅឃាត់ខ្លួនជនសង្ស័យបាន១នាក់នៅម្តុំផ្សារច្រាំងចំរេះផ្លូវជាតិលេខ៥ក្នុងសង្កាត់ច្រាំចំរេះទី២ដោយជនសង្ស័យព្យាយាមរត់គេចខ្លួនពីសម្ថកិច្ច ។
ប្រភពពីសមត្ថកិច្ចបានបន្តថា បន្ទាប់ពីកំលាំងការិយាល័យបច្ចេកទេសវិទ្យាសាស្ត្រ វេជ្ជបណ្ឌិត និងតុលាការពិនិត្យសាកសព បានបញ្ជាក់ថា ជនសង្ស័យរំលោភក្មេងស្រីរងគ្រោះតាមរន្ធគូថមិនមែនរំលោភតាមទ្វារមាសទេរួចខ្ទប់មាត់ និងច្រមុះសម្លាប់តែម្តង ។
បើទោះបីយ៉ាងណាជនសង្ស័យដំបូងមិនបានសារភាពទេ ប៉ុន្តែមុនពេលកើតហេតុមានអ្នកភូមិឃើញជនសង្ស័យនៅក្បែរក្មេងស្រីរងគ្រោះ ហើយជនសង្ស័យគឺជាមនុស្សញៀនថ្នាំជាសមសភាពមិនល្អនៅក្នុងភូមិ ។ បន្ទាប់ពីសមត្ថកិច្ចជជីកសួរតាមជំនាញ ជនសង្ស័យបានសារភាពថា ខ្លួនពិតជាបានរំលោភសំលាប់ក្មេងស្រីរងគ្រោះប្រាកដមែន ដោយខណៈមេឃកំពុងភ្លៀងខ្លួនបានលោងលោម និងចាប់ក្មេងស្រីរងគ្រោះឡើងលើផ្ទះដែលគ្មានមនុស្សរស់នៅហើយធ្វើសកម្មភាពលូកលេងប្រដាប់ភេទក្មេងស្រី ពេលនោះក្មេងស្រីស្រែកយ៉ាងខ្លាំងក៏យកដៃខ្ទបមាត់ និងច្រមុះក្មេងស្រីរងគ្រោះ ហើយរំលោភតាមរន្ធគូថរហូតបានសម្រេចហើយស្រាប់ក្មេងនោះស្លាប់តែម្តង ។
ជនសង្ស័យបានសារភាពទៀតថា បន្ទាប់ពីដឹងថាក្មេងស្រីស្លាប់ហើយគេបានយកសពក្មេងស្រីយកទៅដាក់ចូលក្នុងកូនពាងគ្មានទឹករួចយកសំបកបាវអង្ករ និងសង្ក័សីគ្រប់ពីលើហើយខ្ទាស់ទ្វារខាងក្នុងរួចលូនចុះតាមចន្លោះប្រហោងផ្ទះចូលផ្ទះខ្លួនឯងតែម្តង ។ ក្រោយមកពេលគេផ្អើលឆោឡោរកក្មេងនោះខ្លួនក៏រត់ទៅពួនក្នុងទឹកទន្លេក្បែរនោះប្រហែល៣ម៉ោងឡើងមកវិញដើរដល់ជិតផ្សារច្រាំងចំរេះក៏ត្រូវប៉ូលិសចាប់តែម្តង ។
បច្ចុប្បន្នជនសង្ស័យ កំពុងតែធ្វើការសាកសួរនៅអធិការដ្ឋានខណ្ឌឫស្សីកែវ ដើម្បីកសាងសំណុំរឿងបញ្ជូនតាមច្បាប់ ៕
