លោកឧត្តមសេនីយ៍ឯក សៀក សុជាតិ បើកកិច្ចប្រជុំថ្នាក់នាយករងទទួលបន្ទុកតាមការិយាល័យ ដើម្បី ពង្រឹងការងារផ្ទៃក្នុង របស់អង្គភាពឲ្យបានរឹងមាំ ក្នុងការការពារថែរក្សា សន្តិសុខ សណ្តាប់ធ្នាប់

ភ្នំពេញ៖ នៅរសៀលថ្ងៃអង្គារ ១៤រោច ខែជេស្ឋ ឆ្នាំច សំរឹទ្ធស័ក ព.ស. ២៥៦២ ត្រូវនឹងថ្ងៃទី១២ ខែមិថុនា ឆ្នាំ២០១៨ លោកឧត្តមសេនីយ៍ឯក សៀក សុជាតិ នាយរងសេនាធិការចម្រុះ នាយកទីចាត់ការការងារព្រំដែន អ.ប.ក បានអញ្ជើញជាអធិបតីបើកកិច្ចប្រជុំថ្នាក់នាយករងទទួលបន្ទុកតាមការិយាល័យ ដើម្បី ពង្រឹងការងារផ្ទៃក្នុង របស់អង្គភាពឲ្យបានរឹងមាំ ក្នុងការការពារថែរក្សា សន្តិសុខ សណ្តាប់ធ្នាប់ របៀបរៀបរយ ក្នុងរយៈពេលឃោសនារកសម្លេងឆ្នោត ជ្រើសរើសតំណាងរាស្ត្រ អាណត្តិទី៦នាពេលខាងមុខនេះ ។

ក្នុងកិច្ចប្រជុំថ្នាក់នាយករងទទួលបន្ទុកតាមការិយាល័យ លោកឧត្តមសេនីយ៍ឯក សៀក សុជាតិ ក៏បានក្រើនរំលឹកដល់នាយទាហានទាំងអស់យកចិត្តទុកដាក់ពង្រឹងការងាររបស់ខ្លួន អនុវត្តតាមតួនាទីភារកិច្ចប្រកបដោយស្មារតីទទួលខុស តាមគោលការណ៍អគ្គមេបញ្ជាការកងយោធពលខេមរភូមិន្ទក៏ដូចជាក្រសួងការពារជាតិ៕  សុខ ខេមរា