សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន ៖ កាលពីវេលាម៉ោង ២០ ថ្ងៃចន្ទ ៦រោច ខែបឋមាសាឍ ឆ្នាំច សំរិទ្ធិស័ក ព.ស. ២៥៦២ ត្រូវនឹងថ្ងៃទី ១៨ ខែមិថុនា ឆ្នាំ២០១៨ មានករណីគ្រោះថ្នាក់ចរាចរណ៍មួយកើតឡើងរវាងម៉ូតូ និងម៉ូតូកង់បី ស្ថិតនៅភូមិរថក្រោះឆេះ ឃុំស្ទឹងកាច់ ស្រុកសាលាក្រៅ ខេត្តប៉ៃលិន បណ្ដាលអោយមនុស្ស ២នាក់ស្លាប់ ។
សមត្ថកិច្ចបានប្រាប់ថា ជនរងគ្រោះរួមមាន ៖
០១-ឈ្មោះ ណាត ស្រីដា ភេទស្រី អាយុ ២២ឆ្នាំ បានបាត់បង់ជិវិត
០២-ឈ្មោះ រិន បុស្បា ភេទស្រី ០៣ឆ្នាំ កូនបង្កើត បាត់បង់ជីវិតពេលបញ្ជូនទៅដល់មន្ទីរពេទ្យខេត្តបាត់ដំបង
០៣-ឈ្មោះ រិន ពិសី ភេទស្រី អាយុ ០៧ឆ្នាំ កូនបង្កើត រងរបួស
០៤-ឈ្មោះ តេន ភារម្យ ភេទប្រុស អាយុ ៣៦ឆ្នាំ ត្រូវជាប្ដី និងជាឪពុកជនរងគ្រោះ រងរបួស
ជនរងគ្រោះទាំង៤នាក់ រស់នៅភូមិអូរឈើក្រំ ឃុំស្ទឹងកាច់ ស្រុក សាលាក្រៅ ខេត្តប៉ៃលិន។
ចំណែកឯភាគីខាងម៉ូតូកង់បីមានគ្នា ២នាក់ មិនស្គាល់អត្តសញ្ញាណបានរត់គេចខ្លួនបាត់បន្សល់ទុកវត្ថុតាងនៅកន្លែងកើតហេតុ ។
សមត្ថកិច្ចបញ្ជាក់ថា ករណីគ្រោះថ្នាក់ចរាចរណ៍ខាងលើនេះ មូលហេតុបណ្ដាលមកពីម៉ូតូកង់បីបុកពីក្រោយម៉ូតូជនរងគ្រោះពេញទំហឹងតែម្តង ។
បច្ចុប្បន្នវត្ថុតាងត្រូវបានយកមករក្សាទុកនៅអធិការដ្ឋាននគរបាលស្រុកសាលាក្រៅ ដើម្បីរង់ចាំធ្វើការដោះស្រាយ ៕ ស សារ៉េត
