សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តដឹងប្រេងឥន្ទះក្រុមហ៊ុន LPG បានបើកបុករថយន្តហាយឡែនឌ័រពីក្រោយបណ្តាលឲ្យរងការខូចខាតកាលពីវេលាម៉ោង៩និង២០នាទីយប់ ថ្ងៃអង្គារ ៧កើត ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៩ ខែមិថុនា ឆ្នាំ២០១៨ នៅចំណុចជិតស្តុបណូគារ តាមបណ្តោយផ្លូវលេខ២៧១ ស្ថិតក្នុងសង្កាត់អូបែកក្អម ខណ្ឌសែនសុខហើយរថយន្តបង្កបានព្យាយាមបើករត់រហូតមកដល់ជិតមន្ទីរពេទ្យបញ្ញាស័ក្ក ផ្លូវ២៧១ សង្កាត់បឹងទំពុន ខណ្ឌមានជ័យ ទើបម្ចាស់រថយន្តរងគ្រោះដេញឃាត់បានវិញ ។
តាមសាក្សីបានឲ្យដឹងថា មុនពេលកើតហេតុគេបានឃើញរថយន្តហាយឡែនឌ័រ ពណ៌ខ្មៅ ពាក់ស្លាកលេខ ភ្នំពេញ2L 6636 បើកបរដោយបុរសម្នាក់ធ្វើដំណើរតាមបណ្តោយលេខ២៧១ក្នុងទិសដៅពីជើងទៅត្បូង ខណៈមកដល់ចំណុចកើតហេតុស្រាប់តែមានរថយន្តដឹកប្រេឥន្ទនះរបស់ក្រុមហ៊ុន LPG ពាក់ស្លាកលេខភ្នំពេញ3B 4865 បើកបរដោយបុរសម្នាក់ធ្វើដំណើរមកពីក្រោយ ហើយបានជ្រុលបុកគូទរថយន្តហាយឡែនឌ័រពីក្រោយបណ្តាលឲ្យបែកស្តុបខាងឆ្វេងរងការខូចខាត ។
សាក្សីដដែលបានបន្តថាភ្លាមៗនោះ រថយន្តបង្កបានព្យាយាមបើករត់រហូតមកដល់ជិតមន្ទីរពេទ្យបញ្ញាស័ក្ក ផ្លូវ២៧១ សង្កាត់បឹងទំពុន ខណ្ឌមានជ័យ ទើបម្ចាស់រថយន្តរងគ្រោះដេញឃាត់បានវិញ ។
ក្រោយពេលកើតហេតុដំណាងម្ចាស់រថយន្តបង្កចេញថ្លៃខូចដើម្បីបញ្ចប់រឿងនៅកន្លែងកើតហេតុ ៕ សុខាសែន
