សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ស្រ្តី៤នាក់បានរងរបួសធ្ងន់ ខណៈកំពុងជិះម៉ូតូតាមផ្លូវហើយក៏មានរថយន្តហាឡែនឌ័រមួយគ្រឿង បើកមកបុករះម៉ូតូ២គ្រឿងជាបន្តបន្ទាប់សង្ស័យអ្នកបើកបរស្រវឹងស្រា ។
គ្រោះថ្នាក់ចរាចរនេះបានកើតឡើងកាលពីវេលាម៉ោង៨ និង៣០នាទីព្រឹក ថ្ងៃទី២៥ ខែមិថុនា ឆ្នាំ២០១៨ ស្ថិតនៅ តាមផ្លូវសម្តេច ជា សុីម មុខផ្សារបឹងបៃតង ក្នុងភូមិត្រពាំងស្វាយ សង្កាត់គោកឃ្លាង ខណ្ឌសែនសុខ ។
រថយន្តបង្កម៉ាក ហាយឡែនឌ័រ ពណ៌ក្រហម ពាក់ស្លាកលេខ ភ្នំពេញ 2Y-7321 បើកបរដោយបុរសម្នាក់ឈ្មោះ រស់ វណ្ណា អាយុ៣៣ឆ្នាំ មានអាស្រ័យដ្ឋាន ផ្ទះលេខ៦០អាហ្សិត ផ្លូវ១៣៤ ភូមិ៧ សង្កសត់ផ្សារដេប៉ូ២ ខណ្ឌទួលគោក ជនខាងលនៅមានជាតិស្រវឹងសល់ បានបើកបោះពួយល្បឿនលឿន ពីកើតទៅលិច តាមបណ្តោយផ្លូវសម្តេច ជា សុីម ដល់ចំណុចខាងលើ បានបុករះម៉ូតូ ម៉ាកនិច ពណ៌ស ពាក់ស្លាកលេខ ភ្នំពេញ 1FH-8313 ជិះដោយស្រ្តីម្នាក់ឈ្មោះ ពុធ ម៉ារីតា អាយុ១៨ឆ្នាំ ស្នាក់នៅ ក្នុងខណ្ឌឫស្សីកែវ ហើយរថយន្តបន្តទៅបុកម៉ូតូ ម៉ាក សេ១២៥ ពណ៌ខ្មៅ ពាក់ស្លាកលេខ ភ្នំពេញ 1FH-9309 កល់ជាប់ពីក្រោមរថយន្ត ដែលជិះគ្នា៣នាក់ បើកបរដោយឈ្មោះ អ៊ុល សុីនឿន ភេទស្រី អាយុ៣២ឆ្នាំ មុខរបរ កម្មករធ្វើការផ្ទះល្វែង ស្នាក់នៅភូមិជ្រេស សង្កាត់គោកឃ្លាង ខណ្ឌសែនសុខ ។ ឈ្មោះ ឡុង ម៉ៅ ភេទស្រី អាយុ៣៦ឆ្នាំ មុខរបរ ធ្វើការ និងស្នាក់នៅជាមួយគ្នា ។ ឈ្មោះ ទូច ចាន់លីន ភេទស្រី អាយុ១៩ឆ្នាំ មុខរបរ កម្មករដូចគ្នា ស្នាក់នៅជាមួយគ្នា ។
តាមសម្តីអ្នកប់កបររថយន្តបានឲ្យដឹងថា មុនកើតហេតុ ខណៈដែលដឹកកូនទៅសាលារៀន ធ្វើដំណើរតាមផ្លូវខាងលើ ពីកើតទៅលិច ដល់ចំណុចខាងលើជ្រុលទៅបុកម៉ូតូពីគ្រឿង ពីក្រោយ ដែលបើកស្របទិសគ្នា ។
តាមង្នកឃើញហេតុការណ៍បានឲ្យដឹងថា មុនកើតហេតុ គេឃើញរថយន្តបង្កបើកល្បឿនលឿន តាមផ្លូវខាងលើ លុះដល់ចំណុចកើតហេតុ រេចង្កូតបុករះម៉ូតូ២គ្រឿងបន្តបន្ទាប់ ហើយម៉ូតូសេ១២៥មួយគ្រឿងកល់ជាប់ពីក្រោមរថយន្ត បណ្តាលឲ្យ ស្រ្តី៤នាក់រងរបួសធ្ងន់ ។
ក្រោយកើតហេតុ រថយន្ត និងម៉ូតូ២គ្រឿង រួមទាំងអ្នកបើកបររថយន្តបង្កផង សមត្ថកិច្ចនាំយកទៅរក្សាទុក ជាបណ្តោះអាសន្នរង់ចាំដោះស្រាយពេលក្រោយ ៕ តុង សីហា
