សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ៖ ភ្លៀងលាយខ្យល់កន្ត្រាក់ កាលពីព្រលប់ថ្ងៃអង្គារ ១៤កើត ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៦ ខែមិថុនា ឆ្នាំ២០១៨ បានបង្កជារន្ទះបាញ់សម្លាប់មនុស្ស២នាក់ និងសន្លប់ម្នាក់ នៅចំណុចគោកច្រឹកលិច ភូមិព្រៃធំ ឃុំចុងកាល់ ស្រុកចុងកាល់។
បើតាមនគរបាលស្រុកចុងកាល់ បានឲ្យដឹងថា ករណីរន្ទះបាញ់នេះ បានបណ្តាយឱ្យមនុស្សស្លាប់ ២នាក់ ទី១៖ ឈ្មោះ ច្រុច ហ៊ីង ភេទស្រី អាយុ៤៩ឆ្នាំ ទី២៖ ឈ្មោ ម៉ា សឿម ភេទស្រី អាយុ៦៧ឆ្នាំ។ ចំណែកជនរងគ្រោះទី៣ដែលសន្លប់ ឈ្មោះហ៊ា សាវុធ ហៅ ប៉ាក់ ភេទប្រុស អាយុ៥៣ឆ្នាំ។
មុនកើតហេតុជនរងគ្រោះទាំង៣នាក់ បានដេញគោពីព្រៃ ហើយក៏ត្រូវរន្ទះបាញ់តែម្តង។
សពជនរងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណី៕ ប៉ែន នួន
