សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់៖ ប្រជានេសាទម្នាក់ដាក់ទឹកដាំលើភ្លើងចង្រ្កានទាញសំណាញ់ទៅបង់យកត្រី ជាប់អាវុធអាកា ១ដើមយកទៅប្រគល់ជូនអាជ្ញាធរសមត្ត្កកិច្ចមូលដ្ឋាន ប៉ុស្តិ៍នគរបាលរដ្ឋបាលដើម្បីរក្សាទុកជាបណ្ណោះអាសន្ន។
ហេតុការណ៍ខាងលើបានបង្កការភ្ញាក់ផ្អើលឡើង កាលពីល្ងាចថ្ងៃពុធ ៧រោជ ខែបឋមាសាធ ខែបឋមសាឍ ឆ្នាំច សំរឹទ្ធិស័ក្រ ព.ស ២៥៦២ ត្រូវនឹងថ្ងៃទី៤ ខែកក្កដា ឆ្នាំ២០១៨ ត្រង់ចំណុចស្រះទឹកមួយកន្លែង ស្ថិតក្នុងភូមិ.ឃុំរាំងទិល ស្រុកកណ្ដៀង ខេត្តពោធិ៍សាត់ ។
ប្រភពព័ត៌មានពីនគរបាលប៉ុស្តិ៍រដ្ឋបាលរាំងទិលបានឲ្យដឹងថា នៅល្ងាចថ្ងៃខាងលើមានប្រជានេសាទម្នាក់ឈ្មោះ ទេស សារ៉េន ភេទប្រុស អាយុ ៣៩ឆ្នាំ រស់នៅភូមិ.ឃុំកើតហេតុ បានយកសំណាញ់ទៅបង់យកត្រីតែចៃដន់អ្វីបែរជាជាប់កាំភ្លើងទៅវិញ ។
ប្រភពព័ត៌មានដដែលបន្តទៀតថា អាវុធនោះធុនអាកាអត់មានស្វាយអត់បង់ចាស់ ហើយគាត់បានយកមកប្រគល់ជូនសមត្តកិច្ចនគរបាលប៉ុស្តិ៍ បច្ចុប្បន្នអាវុធបានរក្សាទុកជាបណ្ដោះអាសន្ននៅប៉ុស្តិ៍នគរបាលរដ្ឋបាលរាំងទិល៕ បឹុម ពិន
