សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរស២នាក់បានរងរបួសធ្ងន់ស្រាលដោយសារករណីគ្រោះថ្នាក់ចរាចរណ៍គួរឲ្យរន្ធត់រវាងម៉ូតូ២គ្រឿងបុកស្របទិសគ្នាយ៉ាងពេញទំហឹងលាន់សូរដូចរន្ទះ បង្កការភ្ញាក់ផ្អើលដល់អ្នកភូមិ ក៏ដូចជាអ្នកធ្វើដំណើរឆ្លងកាត់ចោមរោមមើល និងរាយការណ៍មកសមត្ថកិច្ចមូលដ្ឋាន កាលពីថ្ងៃសៅរ៍ ១០រោជ ខែបឋមាសាឍ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី៧ ខែកក្កដា ឆ្នាំ២០១៨ វេលាម៉ោង ១០និង២០នាទីព្រឹក ត្រង់ចំណុចចន្លោះគីឡូម៉ែត្រ១៦៥-១៦៦ ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។
តាមសមត្ថកិច្ចនគរបាលក្រុងបាវិតបានឲ្យដឹងថាម៉ូតូ ដែលបង្កហេតុម៉ាកហុងដាសេ ១២៥ ពណ៌ខ្មៅ ពាក់ស្លាកលេខ ស្វាយរៀង 1E-3575 បើកបរដោយឈ្មោះ ម៉ុក ម៉ារិទ្ធ ភេទប្រុស អាយុ៣១ឆ្នាំជនជាតិខ្មែរមុខរបរលក់ដូរ មានទីលំនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។
ប្រភពបន្តថា ចំណែកភាគីរងគ្រោះជិះម៉ូតូម៉ាកវ៉េវ ពណ៌ខ្មៅ ពាក់ស្លាកលេខ វៀតណាម 70F9-4110 បើកបរដោយឈ្មោះ រស់ វ៉ាន់ធូ ភេទប្រុស អាយុ៤៨ឆ្នាំ ជនជាតិខ្មែរ មុខរបរលក់ដូរ មានទីលំនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។
តាមសាក្សីបានឲ្យដឹងថា មុនពេលកើតហេតុមានម៉ូតូមួយគ្រឿងម៉ាកហុងដាសេ១២៥ បើកបរដោយបុរសម្នាក់ដោយធ្វើដំណើរលើកំណាត់ផ្លូវជាតិលេខ១ ក្នុងទិសដៅពីលិចមកកើតខ្វះការប្រុងប្រយត្ន័ ស្រាប់តែទៅបុកអ្នកជិះម៉ូតូហុងដាវ៉េវ ទិសដៅស្របគ្នាពីក្រោយពេញទំហឹងបង្កការភ្ញាក់ផ្អើលតែម្ដង។
បច្ចប្បន្នអ្នករងរបួសធ្ងន់ ត្រូវបានបញ្ជួនទៅព្យាបាល នៅប្រទេសវៀតណាម រីឯមធ្យោបាយទាំង០២គ្រឿង សមត្ថកិច្ច យកមករក្សាទុក បណ្តោះអាសន្ន នៅប៉ុស្តិ៍នគរបាលរដ្ឋបាលបាវិត ដើម្បីចាត់ការបន្តតាមច្បាប់ ៕ យឹម សុថាន
