សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ របាយការណ៍របស់នាយកដ្ឋានចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ បានបញ្ជាក់ថា នៅថ្ងៃសៅរ៍ ១០រោជ ខែបឋមាសាឍ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី៧ ខែកក្កដា ឆ្នាំ២០១៨ ហេតុការណ៍គ្រោះថ្នាក់ចរាចរណ៍ នៅទូទាំងប្រទេសបានកើតឡើង ចំនួន ៦លើក (យប់៤លើក) បណ្តាលឲ្យមនុស្សស្លាប់ ៣នាក់ រងរបួសធ្ងន់ ២នាក់ រងរបួសស្រាល ៩នាក់(ស្រី២នាក់) មិនពាក់មួកសុវត្ថិភាព ពេលគ្រោះថ្នាក់ ១០នាក់ (យប់៨នាក់) ។
គ្រោះថ្នាក់ចរាចរណ៍ទាំង៦លើកនេះ បានបង្កឲ្យមានការខូចខាតយានយន្តសរុប១៣គ្រឿង ក្នុងនោះមានម៉ូតូ ៤គ្រឿង រថយន្តធុនតូច ៤គ្រឿង រថយន្តធំ ២គ្រឿង និងយានផ្សេងៗ ៣គ្រឿង ។
កត្តាមូលហេតុដែលបណ្តាលឲ្យកើតមានហេតុការណ៍គ្រោះថ្នាក់ចរាចរណ៍ គឺបណ្តាលមកពីល្បឿន ២លើក(ស្លាប់២នាក់), មិនគោរពសិទ្ធិ ១លើក, ប្រជែង ១លើក(ស្លាប់១នាក់), បត់គ្រើថ្នាក់ ១លើក និង មិនប្រកាន់ស្តាំ ១លើក ។
គ្រោះថ្នាក់នៅលើដងផ្លូវ រួមមាន ផ្លូវជាតិ ៥លើក ផ្លូវខេត្ត/ក្រុង ១លើក ។ ដោយឡែក យានយន្តដែលបង្កហេតុ រួមមាន ម៉ូតូ ២លើក រថយន្តធុនតូច ៣លើក គោយន្ត ១លើក ។
ខេត្ត-រាជធានី ដែលមានគ្រោះថ្នាក់ និងរងគ្រោះថ្នាក់ រួមមាន ៖ ខេត្តកណ្តាល ១លើក ស្លាប់១នាក់, ក្រចេះ ១លើក ស្លាប់១នាក់, កំពង់ឆ្នាំង ២លើក ស្លាប់១នាក់ របួស៦នាក់(ស្រី២នាក់), កំពត ១លើក របួស៣នាក់ និងខេត្តរតនគិរី ១លើក របួស២នាក់ ៕
