សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ គ្រោះថ្នាក់ចរាចរណ៍ រវាង រថយន្ត បុកអ្នកថ្មើរជើង ក្នុងទិដៅស្របគ្នា(ពីត្បូងមកជើង)បណ្តាលឲ្យបុរសម្នាក់ស្លាប់ នៅវេលាម៉ោង២០:០០នាទី ថ្ងៃសៅរ៍ ១០រោជ ខែបឋមាសាឍ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី៧ ខែកក្កដា ឆ្នាំ២០១៨ លើផ្លូវជាតិលេខ៦ ចន្លោះគីឡូម៉ែត្រលេខ ៩៤-៩៥ ភូមិសូយោងឃំុសូយោង ស្រុកបារាយណ៍ ខេត្តកំពង់ធំ ។
សមត្ថកិច្ចបានឲ្យដឹងថា អ្នកថ្មើរជើង ឈ្មោះ និងអាស្រ័យដ្ឋាន មិនស្គាល់នោះទេ ជាជនអនាថា ស្លាប់នៅកន្លែងកើតហេតុ ចំណែក អ្នកបើកបររថយន្ត camary ពណ៌បៃតងចាស់ ស្លាកលេខ ភ្នំពេញ 2I. 0766 អ្នកបើកបរមិនស្គាល់អត្តសញ្ញាណគេចខ្លួន ។
ក្រោយកើតហេតុសមត្ថកិច្ចបានចុះវាស់វែងប្រមូល វត្ថុតាង រថយន្តយកមករក្សាទុកអធិការដ្ឋាន នគរបាល ស្រុកបារាយណ៍ ចំណែកសាកសពយកទៅតំកល់ទុកនៅវត្តខ្លុយ ភូមិខ្លុយកើត ឃុំសូយោង ស្រុកបារាយណ៍ ដើម្បីស្វែងរកគ្រួសារ យកសាកសពទៅធ្វើបុណ្យ ; មូលហេតុជាបឋមបង្កពីអ្នកថ្មើរជើងដើរទ្រូងផ្លូវ ៕ ប៊ុន រិទ្ធី
