សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នគរបាលព្រហ្មទណ្ឌខណ្ឌចំការមន បានសហករាណ៍ជាមួយនគរបាលប៉ុស្តិ៍ផ្សារដើមថ្កូវឃាត់ខ្លួនជនសង្ស័យចំនួន២នាក់ដែលធ្វើសកម្មភាពឆក់កាបូបលុយពីប្តីប្រពន្ធ២នាក់បានសម្រេច ។
ហេតុការណ៍នេះកើតឡើងកាលពីវេលាម៉ោង ៧យប់ ថ្ងៃអាទិត្យ ១១រោច ខែបឋមាសាធ ឆ្នាំច សំរឹទ្ធស័ក ពស២៥៦២ ត្រូវនិងថ្ងៃទី៨ ខែកក្កដា ឆ្នាំ២០១៨ ចំណុចមុខផ្ទះលេខ៨៧ តាមបណ្ដោយផ្លូវលេខ១៦៣ ក្រុម២០ ភូមិ៣ ស្ថិតក្នុងសង្កាត់ផ្សារដើមថ្កូវ ខណ្ឌចំការមន ។
ជនសង្ស័យទី១ ឈ្មោះ ទន់ សុភារាជ ភេទប្រុស អាយុ១៨ឆ្នាំ មុខរបរមិនពិតប្រាកដ ស្នាក់នៅផ្ទះគ្មានលេខ តាមបណ្ដោយផ្លូវលំ ភូមិម័រ សង្កាត់ដង្កោ ខណ្ឌដង្កោ និង បក្ខពួកម្នាក់ទៀតឈ្មោះ កែវ សត្យាវុឌ្ឍ ភេទប្រុស អាយុ១៨ឆ្នាំ ។ ចំណែកជនរងគ្រោះឈ្មោះ ទូច ហ៊ុនរ៉ានិច ភេទស្រី អាយុ២១ឆ្នាំ មុខរបរអ៉ុតសក់ ស្នាក់នៅផ្ទះជួល តាមបណ្ដោយផ្លូវលំ ភូមិក្បាល់ទំនប់២ សង្កាត់បឹងទំពុន២ ខណ្ឌមានជ័យ ។
បើតាមសម្តីជនរងគ្រោះបានឲ្យដឹងថាមុនកើតហេតុគាត់បានជិះម៉ូតូមួយគ្រឿងម៉ាកហុងដា Zoomer X (សូមមិនបញ្ចេញស្លាកលេខ) ពីអ្នកប្តីទើបតែចេញពីទិញហ្ហូបនៅផ្សារទួលទំពូងគោលបំណង់ទៅផ្ទះនៅសង្កាត់បឹងទំពុន២ ដែលធ្វើដំណើតាមបណ្ដោយផ្លូវលេខ១៦៣ ខណះមកដល់ចំណុចកើតហេតុមុខផ្ទះលេខ៨៧ តាមបណ្ដោយផ្លូវលេខ១៦៣ ក្រុម២០ ភូមិ៣ ស្ថិតក្នុងសង្កាត់ផ្សារដើមថ្កូវ ខណ្ឌចំការមន ក៏មានជនសង្ស័យចំនួន២នាក់ជិះម៉ូតូមួយគ្រឿងម៉ាក ហុងដា ប៉ីត ពណ៍ក្រហម លាយស ពាកលស្លាកលេខ ភ្នំពេញ ១HA-៩០៨២ បានជិះមកក្បែរ និង ធ្វើសកម្មភាពឆក់កាបូបលុយពីដៃរបស់ខ្លួនបានសម្រេច បម្រុងនិងជិះគេចខ្លួនក៏ប្រទះក្រុមនគរបាលព្រហ្មទណ្ឌខណ្ឌចំការមន សហការណ៍ជាមួយនគរបាលប៉ុស្តិ៍ផ្សារដើមថ្កូវល្បាត់ដេញតាមចាប់ជនសង្ស័យទាំង២នាក់បាននៅចំណុចមុខផ្ទះលេខ៦៧៤ តាមបណ្ដោយផ្លូវលេខ២៧១ ទើបចាប់បានជនសង្ស័យទាំង២នាក់តែម្តង ។
ក្រោយពេលកើតហេតុជនសង្ស័យទាំង២នាក់ខាងលើត្រូវនគរបាលព្រហ្មទណ្ឌខណ្ឌ និង នគរបាលប៉ុស្តិ៍ផ្សារដើមថ្កូវឃាត់ខ្លួនយកមកសួរនាំ និង កសាងសំណុំរឿងបញ្ជូនខ្លួនទៅអធិការដ្ឋាននគរបាលខណ្ឌចំការមនចាត់ការបន្ត៕ ស រស្មី
