សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ: កាលពីវេលាម៉ោង៣និង៤០នាទីរសៀល ថ្ងៃចន្ទ ១២រោច ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៩ ខែកក្កដា ឆ្នាំ២០១៨ កម្លាំងនគរបាលស្រុកសំរោងទង និងកម្លាំងរបស់ការិយាល័យព្រហ្មទណ្ឌកំរិតស្រាលខេត្ត បានឆ្មក់បង្ក្រាបទីតាំងបើកភ្នាល់ល្បែងស៊ីសង ជល់មាន់តាមទូរទស្សន៍ខ្សែកាបមួយកន្លែង ស្ថិតនៅផ្ទះរបស់ឈ្មោះ ភិន ផល្លា ស្រី អាយុ ៤០ឆ្នាំ បើកលក់កាហ្វេ នៅភូមិត្រពាំងអំពិល ឃុំត្រពាំងគង ស្រុកសំរោងទង ខេត្តកំពង់ស្ពឺ ។
សមត្ថកិច្ចបានប្រាប់ថា ករណីនេះបានឃាត់មនុស្សពួកអ្នកញៀនល្បែងភ្នាល់ភ្លេចខ្លួនរួមមានរាយនាម ៖ ឆោម សាវ៉ុន ប្រុស អាយុ ៦៥ឆ្នាំ,ចិន សឿន ប្រុស អាយុ ៤៨ឆ្នាំ, ឆុន សុខនៅ ប្រុស អាយុ ៥២ឆ្នាំ, ណុប ពៅ ប្រុស អាយុ ៥១ឆ្នាំ, ម៊ី សុខឃឿន ប្រុស អាយុ ៥៣ឆ្នាំ, ឃុត ថន ប្រុស អាយុ៥០ឆ្នាំ, ម៉ាច ធា ប្រុស អាយុ ៤៥ ឆ្នាំ, សុខ សុធា ប្រុស អាយុ ៥៤ឆ្នាំ, រុន ប៊ុនណារ៉ា ប្រុស អាយុ ៣៩ឆ្នាំ ពួកគេទាំងនេះរស់នៅក្នុង ឃុំលំហាច ស្រុកអង្គស្នួល, ហួន ហុន ប្រុស អាយុ៥៤ឆ្នាំ, កៅ សុខហៀង ប្រុស អាយុ៤១ឆ្នាំ, ជា ឈុន ប្រុស អាយុ ៣៧ឆ្នាំ, ជួប នី ប្រុស អាយុ៥៥ឆ្នាំ, អ៊ុន ចន្ធី ប្រុស អាយុ៤៧ឆ្នាំ, អ៊ុន ខឹម ប្រុស អាយុ៥២ឆ្នាំ, នួន សំនៀង ប្រុស អាយុ៤២ឆ្នាំ, ហុិន ជាក់ ប្រុស អាយុ ៣៨ឆ្នាំ, នុត គឹមហុង ប្រុស អាយុ៤៥ឆ្នាំ និង ឈ្មោះ ប៉ាច ធុល ភេទប្រុស អាយុ៥៩ឆ្នាំ ។
ដកហូត ទូរទស្សន៍ ១គ្រឿងនិងម៉ូតូចំនួន ២៥គ្រឿង កសាងសំណុំរឿងបញ្ជូនទៅការិយាល័យព្រហ្មទណ្ឌកំរិតស្រាល៕
