សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នារីម្នាក់បានជិះម៉ូតូnexមួយគ្រឿង ក្នុងល្បឿនលឿនជ្រុលបុកម៉ូតូហុងដាឌ្រីមសង់មួយគ្រឿងទៀត ពីក្រោយបណ្តាលឲ្យដួលរងរបួសទាំងសងខាងត្រូវរថយន្តសង្គ្រោះដឹកទៅមន្ទីរពេទ្យភ្លាមៗ ។
ហេតុការណ៍នេះបានកើតឡើងកាលពីវេលាម៉ោង១រសៀល ថ្ងៃពុធ ១៤រោច ខែបមាសាឍ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី១១ ខែកក្កដា ឆ្នាំ២០១៨ នៅចំណុចមុខវិទ្យាល័យជម្ពូវ័ន្ត តាមបណ្តោយផ្លូវជាតិលេខ៤ ស្ថិតក្នុងសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញបុរសម្នាក់ជិះម៉ូតូម៉ាកហុងដាឌ្រីមសង់ ពណ៌ខ្មៅ ពាក់ស្លាកលេខភ្នំពេញ1AJ 6268 ធ្វើដំណើរតាមបណ្តោយផ្លូវជាតិលេខ៤ក្នុងទិសដៅពីលិចទៅកើតខណះមកដល់ចំណុចកើតហេតុស្រាប់តែមាននារីម្នាក់ជិះម៉ូតូម៉ាកnexពណ៌សពាក់ស្លាកលេខ កណ្តាល 1Y 8298 ធ្វើដំណើរមកពីក្រោយក្នុងល្បឿនលឿនហើយបានជ្រុលបុកពីក្រោយម៉ូតូហុងដាពេញទំហឹងបណ្តាលឲ្យដួលទាំង២រងរបួសទាំងសងខាង ។
ក្រោយពេលកើតហេតុនារីជិះម៉ូតូបង្កត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗចំណែកបុរសម្នាក់ទៀតរបួសរលាត់ដៃជើងមិនព្រមឡើងរថយន្តទៅសង្គ្រោះនោះទេ ។ ដោយឡែកម៉ូតូត្រូវបានដំណាងភាគីខាងនារីបង្កមកដោះស្រាយចេញថ្លៃខូចខាតទៅលើបុរសរងគ្រោះដើម្បីបញ្ចប់រឿងនៅកន្លែងកើតហេតុ ៕ សុខាសែនជ័យ
