សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាលជាតិបានបញ្ជាក់ថា កាលពីថ្ងៃទី១១ ខែកក្កដា ឆ្នាំ២០១៨ នៅទូទាំងប្រទេស មានករណីគ្រោះថ្នាក់ចរាចរណ៍ កើតឡើងចំនួន៤លើក បណ្ដាលឲ្យមនុស្សស្លាប់៣នាក់, របួសស្រាលម្នាក់នាក់ និងរបួសធ្ងន់៣នាក់។
ក្នុងគ្រោះថ្នាក់ចរាចរណ៍ទាំង៤លើកនេះ បណ្ដាលឲ្យខូតខាតម៉ូតូចំនួន៤គ្រឿង រថយន្តតូច៣គ្រឿង និងម៉ូតូរ៉ឺម៉ក១គ្រឿង ហើយមូលហេតុដែលបណ្ដាលឲ្យកើត មានគ្រោះថ្នាក់ចរាចរណ៍រួមមាន ល្មើសល្បឿន, មិនប្រកាន់ស្ដាំ និងមិនគោរពសិទ្ធិ។
ប្រភពបញ្ជាក់ថា រយៈ១១ថ្ងៃ នៃខែកក្កដា ឆ្នាំ២០២៨នេះ ករណីគ្រោះថ្នាក់ចរាចរណ៍កើតឡើងទូទាំងប្រទេសចំនួន៨២លើក បណ្ដាលឲ្យមនុស្សស្លាប់ចំនួន៥២នាក់ រងរបួសធ្ងន់ចំនួន៨៩នាក់ និងស្រាលចំនួន៧៥នាក់ផងដែរ ៕
