ហុីយ៉ាន់ដាយបុករះស្លាកបាន់ណូ និងបង្គោលភ្លើងរបងសាលរៀន និងបែកទុយោទឹកប្រជាពលរដ្ឋខូតខាតយ៉ាងដំណំ

ភ្នំពេញ៖ រថយន្តហុីយ៉ាន់ចំណុះ៤តោនមួយគ្រឿងបើកបោះពួយយ៉ាងលឿនរេចង្កូតទៅបុកបង្គោលស្លាកប៉ាណូនៅចំកណ្តាលសួនចែកទ្រូវផ្លូវបាក់រាបដល់ដី និងបង្គោលភ្លើងមួយដើមរួចបន្តទៅបុករបងសាលាបង្រៀនបឋមសិក្សាភ្នំពេញថ្មី និងបែកទុយយោទឹកផ្ទះប្រជាពលរដ្ឋរងការខូតខាតយ៉ាងដំណំ រថយន្តបង្កទៅមុខលេងរួចចំណែកអ្នកបើកបរគេចខ្លួនបាត់ ។

ហេតុការណ៍នេះកើតឡើងកាលពីវេលាម៉ោង១រំលងអធ្រាត្រ ឈានចូលថ្ងៃចន្ទ ៤កើត ខែទុតិយាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៦ ខែកក្កដា ឆ្នាំ២០១៨ ស្ថិតនៅចំណុចសាលាបង្រៀនបឋមសិក្សាភ្នំពេញថ្មី តាមបណ្តាយផ្លូវភ្នំពេញ ហាណូយ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញរថយន្តហុីយ៉ាន់ដាយចំណុះ៤តោនមួយគ្រឿង ក្បាលពណ៌សទ្រុង ពណ៌ខៀវពាក់ស្លាកលេខ ភ្នំពេញ 3B-4825 ធ្វើដំណើរទិសដៅពីជើងទៅត្បូងលុះមកដល់ចំណុចកើតហេតុសង្ស័យនាក់បើកបរងោកមួយភាំងបានរេចង្កូតមកខាងឆ្វេងឡើងលើសួនចែកទ្រូងផ្លូវបុកបង្គោលស្លាកប៉ាណូមួយដើមបាក់រាបដល់ដី ហើយបានឆ្លងមកផ្លូវម្ខាងទៀតទៅបុកបង្គោលភ្លើងថ្មមួយដើមបាក់ពីកំណាត់រួចបន្តទៅបុករបងសាលបង្រៀន បឋមភ្នំពេញថ្មីបាក់អស់មួយផ្ទាំង និងបែកទុយោទឹកផ្ទះប្រជាពលរដ្ឋនៅជាប់ និងរបងសាលាខូតខាតយ៉ាងដំណំរថយន្តបង្កផ្ទប់ជាប់ និងរបងសាលាទៅមុខលេចរួច ។ ចំណែកអ្នកបើកបរបានដាក់មេប្រ៉ុចបាត់ ។

ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកវាស់វែងយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញរង់ចាំដោះស្រាយគ្នាទៅតាមផ្លូវច្បាប់ ៕ ភារ៉ា ដង្កោ