សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជនម្នាក់បានរងរបួសធ្ងន់ ខណៈជួបគ្រោះថ្នាក់ចរាចរបង្កឡើងដោយរថយន្តដឹកប្រេងរបស់ក្រុមហ៊ុនតូតាលបើកបុក ។
គ្រោះថ្នាក់ចរាចរនេះបានកើតឡើងកាលពីថ្ងៃសុក្រ ១៥កើត ខែទុតិយាសាឍ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី២៧ ខែកក្កដា ឆ្នាំ២០១៨ វេលាម៉ោង៤ និង៣០នាទីរសៀល នៅចំណុចមុខផ្សារបឹងបៃតង ផ្លូវសម្តេចជាសុីម ភូមិច្រេសសង្កាត់គោកឃ្លាង ខណ្ឌសែនសុខ ។
អ្នកឃើញហេតុការណ៍បានឲ្យដឹងថា នៅមុនពេលកើហេតុគេឃើញមានរថយន្តដឹកប្រេងរបស់ក្រុមហ៊ុនតូតាល១គ្រឿង ម៉ាកហុីណូ ពណ៌សពាក់ស្លាកលេខ ភ្នំពេញ3C7582 បើកក្នុងទិសដៅ ពីកើតទៅលិច លុះមកល់ចំណុចកើតហេតុក៍មានយុវជនម្នាក់ជិះម៉ូតូ១គ្រឿង ម៉ាក ហុងដា សេ១២៥ ឌ្រីមសង់ ពណ៌ខ្មៅ ពាក់ស្លាកលេខ ភ្នំពេញ 1FH5811 ក្នុងទិដៅបញ្ច្រាសគ្នាពីលិចទៅកើត ក្នុងល្បឿនលឿនគួរសម បម្រុងឆ្លងផ្លូវក៏ត្រូវរថយន្តដឹកប្រេងបុកបណ្តាលឲ្យរងរបួសធ្ងន់សន្លាប់ស្តូកស្តឹងតែម្តង ។
ក្រោយកើតហេតុ អ្នកបើកបររថយន្តបានចុះគេចខ្លួនបាត់ ចំណែកជនរងគ្រោះត្រូវរថយន្តសាមុយដឹកយកទៅសង្គ្រោះនៅមន្ទីរពេទ្យ ។
ដោយឡែករថយន្តបង្ក និងម៉ូតូសមត្ថកិច្ចបានវាស់វែងយកទៅរក្សាទុកនៅអធិការដ្ឋាននគរបាលខណ្ឌសែនសុខ ដើម្បីដោះស្រាយគ្នានៅពេលក្រោយ ៕ តុង សីហា
