សារព័ត៌មាន នគរវត្ត តែងតែនាំមុខគេជានិច្ច
ប៉ោយប៉េត៖ គោ២ក្បាលដើរស៊ីស្មៅនៅវាលស្រែពេលភ្លៀងរលឹមត្រូវរន្ទះបាញ់ងាប់កាលពីរសៀល ថ្ងៃអាទិត្យ ២រោច ខែទុតិយាសាឍ ឆ្នាំច សំរឹទ្ធិស័ក ព.ស. ២៥៦២ ត្រូវនឹងថ្ងៃទី២៩ ខែកក្កដា ឆ្នាំ២០១៨ ស្ថិតនៅចំណុចអូសាលា ប៉ុស្តិ៍ភូមិពង្រ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ។
ប៉ូលិសប៉ុស្តិ៍រដ្ឋបាលឃុំចង្ហារបានឱឲ្យដឹងថា ម្ចាស់គោមាន១- ឈ្មោះ ស៊ិន ផាំង ភេទប្រុស អាយុ៦៨ឆ្នាំ រស់នៅភូមិបឹងសិលា ឃុំចង្ហា ស្រុកអូរជ្រៅ ។ ២ -ម្ចាស់គោឈ្មោះ ចៃ ចិត្តភេទប្រុស អាយុ៣៧ឆ្នាំ រស់នៅ ភូមិតាជ្រឹង ឃុំចង្ហា ស្រុកអូរជ្រៅ ។
ប្រភបបន្តថា គោទាំង២បានដើរស៊ីស្មៅនៅវាលស្រែខាងលើ ខណៈនោះមានភ្លៀងធ្លាក់យ៉ាងខ្លាំង លាយឡំខ្យល់ផ្ទររន្ទះ ស្របពេលគោទាំង២ក្បាលដើរស៊ីស្មៅក្បែរគ្នាក៏ត្រូវរន្ទះបាញ់ងាប់តែម្ដង ។
គោទាំងពីរក្បាលក្រោយពីពិនិត្យរបស់កម្លាំងប៉ុស្តិ៍ចរាល់បានប្រគល់ឲ្យម្ចាស់វិញ ៕ វណ្ណា
