សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនសង្ស័យ២នាក់ ត្រូវបានកម្លាំងប៉ុស្តិ៍នគរបាលរដ្ឋបាលស្រះចក នៃអធិការដ្ឋាននគរបាលខណ្ឌដូនពេញ ឃាត់ខ្លួន ពីបទ ប៉ុនប៉ងលួច(ម៉ូតូ) កាលពីថ្ងៃសុក្រ ៧រោច ខែទុតិយាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី៣ ខែសីហា ឆ្នាំ២០១៨ វេលាម៉ោង១និង៣០នាទីរសៀល នៅចំណុចមុខផ្ទះលេខ៤អឺ០ ផ្លូវលេខ៩០ ភូមិទី១១ សង្កាត់ស្រះចក ខណ្ឌដូនពេញ រាជធានីភ្នំពេញ។
ជនសង្ស័យត្រូវឃាត់ខ្លួនឈ្មោះហ៊ែល ពេជ្រ ភេទប្រុសអាយុ២៤ឆ្នាំជនជាតិខ្មែរមុខរបរនិងទីលំនៅមិនពិតប្រាកដ និងឈ្មោះ ចំរើន ភារ៉ាន់ ភេទប្រុសអាយុ១៩ឆ្នាំជនជាតិខ្មែរមុខរបរនិងទីលំនៅមិនពិតប្រាកដ (ជនសង្ស័យទាំង២នាក់ធ្លាប់ប្រើប្រាស់គ្រឿងញៀន)។
វត្ថុតាងចាប់យកបានមាន ៖ ដែកសំប៉ែតមុខស្រួច មានសោរលេខ៨រាងអក្សរអិល(L)សំរាប់កាច់សោរកម៉ូតូចំនួន០១ និងម៉ូតូម៉ាកC100ពណ៌ខ្មៅគ្មានស្លាកលេខដែលមានលេខតួ.លេខម៉ាសីុន១០០៥៩២៨(ជាមធ្យោបាយជិះធ្វើសកម្មភាពលួចម៉ូតូ)។
បច្ចុប្បន្នជនសង្ស័យទាំង២នាក់ កំពុងឃាត់ខ្លួននៅអធិការដ្ឋាននគរបាលខណ្ឌដូនពេញ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធីច្បាប់ ៕ ស តារា
