សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់សង្ស័យប្រើប្រាស់គ្រឿងញៀន ដល់កម្រិតបានជិះម៉ូតូមកសុំជឿសាំងគេតែអ្នកលក់មិនឲ្យជឿ ក៏ទៅយកកាំបិតមកបំណងកាប់ តែត្រូវបានប្រជាពលរដ្ឋចាប់បានរាយការណ៍ទៅសមត្ថកិច្ច ឃាត់ខ្លួនយកទៅសាកសួរ។
ហេតុការណ៍នេះបានកើតឡើងកាលពីវេលាម៉ោង២និង៥០នាទីរំលងអធ្រាត្រ ឈានចូលថ្ងៃទី១៦ ខែសីហា ឆ្នាំ២០១៨ នៅចំណុចមុខវត្តស្ទឹងមានជ័យ តាមបណ្តោយផ្លូវមុនីរ៉េត សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ ។
តាមសាក្សីបានឲ្យដឹងថា មុនពេលកើតហេតុបានបុរសម្នាក់ជិះម៉ូតូសង់កូរ៉េ ពណ៌ក្រហមមួយគ្រឿង បានមកសុំជឿសាំងដើម្បីចាក់ម៉ូតូ តែអ្នកលក់មិនជឿឲ្យ ស្រាប់តែបុរសនោះជិះម៉ូតូទៅបាត់មួយសន្ទុះក៏មកវិញប្រដាប់ដោយកាំបិតបុ័ងតោបំណងមកកាប់អ្នកលក់សាំង តែដោយសារតែប្រជាពលរដ្ឋនៅក្បែរនោះឃើញ ក៏ជួយឃាត់ និងចាប់យកកាំបិតរួចរាយការណ៍ទៅសមត្ថកិច្ចមកនាំយកទៅធ្វើការសាកសួរ ៕ សុខាសែនជ័យ
