សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ សម្ថកិច្ចនគរបាលប្រឆាំងគ្រឿងញៀន ខេត្តព្រះសីហនុ ដោយមានការសម្របសម្រួលពីព្រះរាជអាជ្ញា បានបេីកយុទ្ធនាការបង្ក្រាបទីតាំង ចែកចាយប្រេីប្រាស់ថ្នាំញៀន ទ្រង់ទ្រាយធំមួយកន្លែង ក្នុងរង្គសាលស្កាយឡាញ(បាឌីស្កូ)ចាប់ពីម៉ោង១និង៤៥នាទីរំលងអធ្រាត្រ រហូតដល់ម៉ោង៥ទៀបភ្លឺ ថ្ងៃទី១៦ ខែសីហា ឆ្នាំ២០១៨ ។
ឃាត់ខ្លូនមនុស្ស៥៣ នាក់ ស្រី៧នាក់ ជនជាតិចិន១០នាក់ ឥណ្ឌូនេស៊ី១៧នាក់ កូរ៉េ២នាក់ ភាគច្រើនជាបុគ្គលិកបំរេីការងារក្នុងកាស៊ីណូហ្គោលដិនស៊ី និង តុងហ្វាងមិនជូ និង ប្រជាពលរដ្ឋខ្មែរ ចំនួន២៤នាក់។
ចាប់យកបានថ្នាំញៀន ខេតាមីន និង អិចស្តាស៊ី ចំនួន២៦កញ្ចប់ ដបថ្នាំញៀនសំរាប់លាយជាមួយទឹក៤ដប ។
ក្រោយពេលពេលធ្វេីតេស្ដ អ្នកទាំងអស់ មានផ្ទុកសារធាតុថ្នាំញៀន។
សមត្ថកិច្ចដែលបានចុះទៅបង្ក្រាបផ្ទាល់ បានប្រាប់ថា៖ ពេលឆ្មក់ចូលឆែកឆេរ អ្នកទាំងនោះកំពុងប្រេីប្រាស់ជាក់ស្តែង តែម្តង ថ្នាំញៀនទាំងនោះ រកឃើញនៅកៀនៗសាឡុងអង្គុយ ក្នុងបន្ទប់ទឹក និង ទីកន្លែងផ្សេងគ្នា ក្នុងរង្គសាលនោះតែម្ដង ។
បុរសម្នាក់ក្នុងចំណោម មនុស្ស៥៣នាក់ បានរាយការណ៍ប្រាប់សមត្ថកិច្ចថា ថ្នាំញៀនទាំងនោះ បានទិញក្នុងរង្គសាលនោះតែម្តង ៕ ឆ្លាម សមុទ្រ
