សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ចុងសប្ដាហ៍នេះ , សម្តេចតេជោនាយករដ្ឋមន្ត្រី មានប្រសាសន៍ ប្តេជ្ញាបម្រើប្រជាពលរដ្ឋមិនឱ្យខកបំណងឡើយ ក្រោយព្រះមហាក្សត្រចាត់តាំងជានាយករដ្ឋមន្ត្រីសម្រាប់អាណត្តិទី៦ ។
ហ្វេសប៊ុកផេកសម្តេច សរសេរនៅថ្ងៃទី១៨ ខែសីហា ថា “អរគុណបងប្អូនជនរួមជាតិដែលបានជូនពរខ្ញុំ នៅក្នុងឱកាសដែល ព្រះ ករុណាព្រះបាទសម្តេចព្រះបរមនាថនរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ដែលព្រះអង្គបានព្រះរាជទានត្រាស់បង្គាប់និង ចាត់តាំងខ្ញុំជានាយករដ្ឋមន្រ្តីនៃកម្ពុជាសម្រាប់អាណត្តិទី៦ (២០១៨-២០២៣)”។
សម្តេចបន្តថា”ខ្ញុំប្តេជ្ញាបម្រើបងប្អូនប្រជាពលរដ្ឋមិនអោយខកបំណងឡើយ ហើយខិតខំ កសាងអភិវឌ្ឍន៍ប្រទេសជាតិយើងអោយកាន់តែរីកចម្រើនទៅមុខ។ បង ប្អូនត្រូវចងចាំថា គណបក្សប្រជាជន គឺជារបស់យើងទាំងអស់គ្នា ហើយ ជ័យជំនះរបស់គណបក្សប្រជាជន គឺជាជោគជ័យរួមរបស់កម្ពុជាទាំងមូល”
សម្តេចសូមជូនពរបងប្អូនបានសប្បាយរីករាយជួបជុំក្រុមគ្រួសារនៅថ្ងៃចុងសប្តាហ៍ទាំងអស់គ្នា៕ ចេស្តា
