សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងនគរបាលរដ្ឋបាលប៉ុស្តិ៍ទំនប់ទឹកគយល្បាតក្នុងមូលដ្ឋានប្រទះឃើញបុរស២នាក់ជិះម៉ូតូមួយគ្រឿងដោយមានការសង្ស័យក៏ហៅសុំឆែកឆេរលើដងខ្លួនស្រាត់តែឃើញឧបករណ៍សម្រាប់កាច់សោកម៉ូតូមួយឈុតទើបឃាត់ខ្លួនតែម្តង។ ហេតុការណ៍នេះបានកើតឡើងកាលពីវេលាម៉ោង២និង៣០នាទីរំលងអធ្រាត្រឈានចូលថ្ងៃ៤កើត ខែភទ្របទ ឆ្នាំច សំរឹទ្ធិស័ក ពស២៥៦២ត្រូវនឹងថ្ងៃទី១៣ ខែកញ្ញា ឆ្នាំ២០១៨ នៅចំណុចមុខលីហួរ សប និងថតចម្លង តាមបណ្តោយផ្លូវលេខ៤០២ ស្ថិតក្នុងសង្កាត់ទំនប់ទឹក ខណ្ឌចំការមន រាជធានីភ្នំពេញ។
ជនសង្ស័យទី១ឈ្មោះដាលីន ភេទប្រុស អាយុ៣៥ឆ្នាំ មុខរបរត់ឌុប មានស្រុកកំណើតនៅភូមិវត្តឃ្លាំង ស្រុកព្រះស្តេច ខេត្តព្រៃវែង ទី២ឈ្មោះធីម៉ៅ ភេទប្រុស អាយុ១៤ ឆ្នាំស្នាក់នៅសង្កាត់ស្ទឹងមានជ័យ២ ខណ្ឌមានជ័យ។
តាមសមត្ថកិច្ចបានឲ្យដឹងថាមុនពេលកើតហេតុលោកបានជិះម៉ូតូល្បាតក្នុងមូលដ្ឋានតាមបណ្តោយផ្លូវលេខ២៧១ ខណៈមកដល់មុខផ្សារសុវណ្ណាក៏ប្រទះឃើញបុរស២នាក់ជិះម៉ូតូហុងដាឌ្រីមសង់ ពណ៌ខ្មៅ គ្មានស្លាកលេខ ដោយមានការសង្ស័យក៏ជិះតាមពីក្រោយរហូតដល់ផ្លូវលេខ៤០២ទើបហៅឃាត់សុំឆែកឆេរលើដងខ្លួនស្រាប់តែរកឃើញឧបករណ៍សម្រាប់កាច់សោក(ដែកអក្សរតេ)ម៉ូតូមួយឈុតក៏ឃាត់ខ្លួននិងនាំទៅសាកសួរនៅប៉ុស្តិ៍នគរបាលរដ្ឋបាលទំនប់ទឹកដើម្បីកសាងសំណុំរឿងបញ្ជូនទៅអធិការដ្ឋាននគរបាលខណ្ឌចំការមនចាត់ការបន្ត៕សុខាសែនជ័យ
