សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនសង្ស័យ២នាក់ត្រូវបានកម្លាំងនគរបាលពួនស្ទាក់ចាប់ជាប់ពីបទជួញដូរ និងប្រើប្រាស់គ្រឿងញៀន ។
ប៉ូលិសចាក់អង្រែលើនិយាយថា បានពួនស្ទាក់និងបង្ក្រាបករណីជួញដូរ និងប្រើប្រាស់គ្រឿងញៀនកាលពីម៉ោងរំលងអធ្រាត្រ ចូលថ្ងៃទី១៥ ខែកញ្ញា ឆ្នាំ២០១៨ ចំណុចវាលខ្សាច់ ផ្លូវ៦០ម៉ែត្រ ក្រុមទី៨ ភូមិ ព្រែកតាគង់ សង្កាត់ ចាក់អង្រែលើ ខណ្ឌ មានជ័យ ឃាត់ខ្លួនឈ្មោះ ជួន ចន្ធី ភេទ ប្រុស អាយុ ៣៦ ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅផ្ទះគ្មានលេខ ផ្លូវលំ ភូមិទួលរកា សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ រកឃើញក្រាមពណ៍សថ្លា (សង្ស័យជាគ្រឿងញៀន) ចំនួន ០១ កញ្ចប់ថង់តូច និង សំបកថង់ប្លាស្ទិច តូចៗមួយចំនួន ។
ប៉ូលិសនិយាយទៀតថា នៅម៉ោង៥ និង៣០នាទីទៀបភ្លឺថ្ងៃ១៥ កញ្ញា នៅចំណុចវាលខ្សាច់ ផ្លូវ៦០ម៉ែត្រ ក្រុមទី៨ ដដែល ឃាត់ខ្លួនម្នាក់ទៀត ឈ្មោះ ឯក ដុង ភេទ ប្រុស អាយុ២១ ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅផ្ទះគ្មានលេខ ផ្លូវលំ ភូមិ ព្រែកតាគង់ សង្កាត់ ចាក់អង្រែលើ ខណ្ឌមានជ័យ រាជធានីភ្នំពេញ រកឃើញ ក្រាមពណ៌សថ្លា (សង្ស័យជាគ្រឿងញៀន) ចំនួន ១១ កញ្ចប់ថង់តូច និង ទូរស័ព្ទដៃ០១គ្រឿងចាស់ ។
ជនសង្ស័យទាំង២នាក់ និងវត្ថុតាងត្រូវប៉ូលិសសាកសួរ កសាងសាណុំរឿងចាត់ការតាមច្បាប់ ៕ ភារ៉ា ដង្កោ
