សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តម៉ាកសាំយ៉ុងមួយគ្រឿងដឹងបន្លែ ពេញបួងចង្កូតបត់ជ្រុលបុករបាំងថ្មពុះចែកទ្រូងផ្លូវបណ្តាលឲ្យរងការខូចខាតវៀចអស់២ផ្ទាំងហើយ រថយន្តព្យាយាមបើករត់ តែត្រូវសន្តិសុខ ដែលយាមនៅផ្លូវR6 ឃាត់ជាប់ ។
ហេតុការណ៍នេះ បានកើតឡើងកាលពីវេលាម៉ោង២រំលងអធ្រាត្រ ឈានចូលថ្ងៃទី៤ ខែតុលា ឆ្នាំ២០១៨ នៅចំណុចមុខផ្ទះសំណាក់មហាលាភ តាមបណ្តោយផ្លូវលេខ៦០៨ កែងផ្លូវលេខ២៧៣ ស្ថិតក្នុងសង្កាត់បឹងកក់ទី១២ ខណ្ឌទួលគោក រាជធានីភ្នំពេញ ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តម៉ាកសាំយ៉ុង ពណ៌ខៀវ ពាក់ស្លាកលេខ ភ្នំពេញ 2AP 5604 ដឹកបន្លែពេញរថយន្ត ដែលដឹកពីផ្សារដើមគរបំណងដឹកទៅខេត្តកំពង់ចាម ធ្វើដំណើរតាមបណ្តោយផ្លូវលេខ៦០៨ ក្នុងទិសដៅពីត្បូងទៅជើង ខណៈមកដល់ចំណុចកើតហេតុក៏បានបួងចង្កូតបត់ឆ្វេងឡើងទៅកើតលើកំណាត់ផ្លូវ២៧៣ដោយបួងចង្កូតមិនទាន់ក៏ជ្រុលបុករបាំងថ្មពុះចែកទ្រូងផ្លូវបណ្តាលឲ្យរងការខូចខាតអស់ចំនួន២កង់ចំណែករថយន្តរងការខូចខាតផ្នែកខាងមុខធ្លាកកាង ។
ភ្លាមនោះរថយន្តបង្កបានព្យាយាមបើករថយន្តរហូតមកដល់ផ្លូវលេខR6 ទើបក្រុមសន្តិសុខឃាត់ជាប់ ។
ក្រោយពេលកើតហេតុសមត្ថកិច្ចជំនាញចរាចរណ៍រាជធានីភ្នំពេញនៃស្នងការនគរបាលជាតិមកយកទៅរក្សាទុកនៅរងចាំដោះស្រាយតាមច្បាប់ ៕ សុខាសែនជ័យ
