សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរស២នាក់រងរបួសធ្ងន់ស្រាល ដោយសារគ្រោះថ្នាក់ចរាចរណ៍ បន្ទាប់ពីជិះម៉ូតូមិនគោរពសិទ្ធិអាទិភាព បុកជាមួយរថយន្តបញ្ច្រាសគ្នា យ៉ាងពេញទំហឹង បណ្ដាលឲ្យដួលម៉ូតូ និងមនុស្សរដូករណែលកណ្ដាលផ្លូវកាលពីថ្ងៃទី៦ ខែវិច្ឆិកា ឆ្នាំ ២០១៨ វេលាម៉ោង ៨:២៤ នាទី យប់ លើផ្លូវជាតិលេខ ០១ ចន្លោះគីឡូម៉ែតលេខ ១២៦ និង១២៧ ស្ថិតក្នុងភូមិ បាក់រនាស់ សង្កាត់ សង្ឃ័រ ក្រុង ស្វាយរៀង ។
បើតាមសមត្ថកិច្ចនគរបាលក្រុងស្វាយរៀងបានប្រាប់កាសែតនគរវត្តដឹងថា អ្នកជិះម៉ូតូរងគ្រោះមានឈ្មោះយូ វ៉ែន អាយុ ១៩ ឆ្នាំ មុខរបរ បុគ្គលិកកាស៊ីណូញូវវើល រស់នៅភូមិ ព្រៃចំបក់ ឃុំ ឈើទាល ស្រុក ស្វាយជ្រំ ខេត្ត ស្វាយរៀង និងអ្នករួមដំណើរឈ្មោះ សាន់ ប៊ុនឌឿន អាយុ ២១ ឆ្នាំ មុខរបរ បុគ្គលិកកាសុីណូ រស់នៅភូមិ ចំបក់ពាម សង្កាត់ សង្ឃ័រ ក្រុង ស្វាយរៀង ខេត្ត ស្វាយរៀង ចំណែកម៉ូតូម៉ាក ហុងដាសេ ១២៥ ពណ៌ ខ្មៅ ពាក់ស្លាកលេខ ភ្នំពេញ ១AT ៥៤៦១ខូចខាតយ៉ាងដំណំ ។
ប្រភពបន្តថាចំពោះអ្នកបើករថយន្តមានឈ្មោះទួច រតនះ ភេទ ប្រុស អាយុ ២២ ឆ្នាំ មុខរបរ បើកបររថយន្ដ រស់នៅភូមិ ស្រះតាកួន ឃុំ សន្លុង ស្រុក ទ្រាំង ខេត្ត តាកែវ និងព្រូម្នាក់មានឈ្មោះចេវ ស្រ៊ី ភេទ ប្រុស អាយុ ២៤ ឆ្នាំ មុខរបរ ព្រូលឡាន រស់នៅភូមិ អូរច្រាប ឃុំ មិនចាំ ស្រុក សន្លូត ខេត្ត បាត់ដំបង ។
តាមសាក្សីបានឲ្យដឹងថា មុនកើតហេតុមានបុរស២នាក់បានជិះម៉ូតូមួយគ្រឿងហុងដាសេ១២៥ដោយធ្វើដំណើរលើផ្លូវជាតិលេខ ០១ ចន្លោះគីឡូម៉ែត្រលេខ ១២៦ និង១២៧ពីជើងទៅត្បូងមិនគោរពសិទ្ធិអាទិភាពស្រាប់តែមានរថយន្ដម៉ាក ហុីយ៉ាន់ដាយ ពណ៌ ខៀវ ពាក់ស្លាកលេខ ភ្នំពេញ ២N ៥៣៥០ ធ្វើដំណើរ ពីកើតទៅលិច ចាប់ហ្វ្រាំងមិនទាន់ ក៏បុកគ្នាយ៉ាងពេញទំហឹងបង្កការភ្ញាក់ផ្អើលដល់អ្នកភូមិតែម្ដង ។
ក្រោយមកអ្នកភូមិបានរាយការណ៍មកសមត្ថកិច្ចមូលដ្ឋានមកអន្តរាគមន៍ និងដឹកបុរសរងគ្រោះទៅកាន់មន្ទីរពេទ្យបង្អែកយខេត្តស្វាយរៀង ។
ចំណែកមធ្យោបាយទាំង២គ្រឿងសមត្ថកិច្ចធ្វើការវាស់វែង និងអូសមករក្សាទុកនៅការិយាល័យនគរបាលចរាចរណ៍ខេត្តស្វាយរៀងដើម្បីចាត់ការបន្តតាមច្បាប់ ។
