Camry Prus ជែងរួចជ្រុលទៅបុកម៉ូតូ២គ្រឿងយ៉ាងរន្ធត់​

ខេត្តព្រះសីហនុ៖ វេលាម៉ោង១៦និង៣០នាទី ល្ងាចថ្ងៃទី២១ ខែវិច្ឆិកា ឆ្នាំ២០១៨ មានគ្រោះថ្នាក់ចរាចរណ៍០១កើតឡើង លើផ្លូវជាតិលេខ៤ ក្នុងភូមិទួលទទឹង៣ឃុំ ទួលទទឹង ស្រុកព្រៃនប់ខេត្តព្រះសីហនុ រវាងរថយន្ត Camry Prus ជែងរួចជ្រុលទៅបុកម៉ូតូ២គ្រឿងយ៉ាងរន្ធត់​ ។

សមត្ថកិច្ចបញ្ជាក់ថា ហេតុការណ៍នេះ បង្កឡើងរថយន្ត០១គ្រឿងម៉ាក Camry Prus ពណ៌ខ្មៅ ពាក់ស្លាកលេខ ភ្នំពេញ 2AF -7590 ទិសដៅពីភ្នំពេញមកខេត្តព្រះសីហនុ មកដល់ចំណុចកើតហេតុ រថយន្តបានបើកវ៉ាជែងរួចជ្រុលទៅបុកម៉ូតូ០២គ្រឿងក្នុងទិសដៅផ្ទុយគ្នា ។

ប្រភពបន្តថា ១. ម៉ូតូម៉ាក អុិសសង់ទ័រ ពណ៌ខ្មៅ គ្មានស្លាកលេខ អ្នកបើកបរឈ្មោះប៊ុន ថន ភេទប្រុស អាយុ២២ឆ្នាំ មុខរបរកម្មករដូងប្រេង មានទីលំនៅភូមិចំការក្រូចឃុំកែវផុសស្រុកស្ទឹងហាវខេត្តព្រះសីហនុ (រងរបួសស្រាល) និង អ្នករួមដំណើរពីក្រោយ ឈ្មោះ សំ ស្រីម៉ៅ ភេទស្រីអាយុ២២ឆ្នាំ មុខរបរនិងទីលំនៅ ដូចគ្នា(រងរបួសមធ្យម) និង ២. ម៉ូតូម៉ាក សេ១២៥ ពណ៌ខ្មៅគ្មានស្លាកលេខ អ្នកបើកបរឈ្មោះមាល សល់ ភេទប្រុសអាយុ២០ឆ្នាំ មុខរបរនិងទីលំនៅដូចគ្នា (រងរបួសស្រាល) អ្នករួមដំណើរពីក្រោយឈ្មោះ ប៉ែន ឈិនលី ភេទប្រុសអាយុ២២ឆ្នាំ មុខរបរនិងទីលំនៅដូចគ្នា (រងរបួសស្រាល) ។

បច្ចុប្បន្ន អ្នករបួសបញ្ជូនទៅព្យាបាលនៅគ្លីនិកឯកជនវាលរេញ ចំណែកវត្ថុតាងម៉ូតូ២គ្រឿង និងរថយន្តត្រូវបាន យកទៅរក្សាទុកនៅ ប៉ុស្តិ៍នគរបាលរដ្ឋបាលឃុំទួលទទឹង ចំណែកឯអ្នកបើកបររថយន្តគេចខ្លួន ៕ ឆ្លាម សមុទ្រ