សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ហាងលក់កាហ្វេតាបប៊ីយ៉ាមួយកន្លែង ត្រូវបាទឆាបឆេះខ្ទេច ដោយសារតែទុស្សេខ្សែភ្លើង បណ្ដាលឲ្យរបស់របរក្នុងផ្ទះ រួមទាំងម៉ូតូ៣គ្រឿងទៀត ឆេះខ្ទេច រងការខូចខាតយ៉ាងដំណំ ។
ហេតុការណ៍នេះបង្កការភ្ញាក់ផ្អើលកាលពីវេលាម៉ោង៣ និង១០ ទៀបភ្លឺ ឈានចូលនៅថ្ងៃទី២៥ ខែវិច្ឆិកា ឆ្នាំ២០១៨ ស្ថិតតាមបណ្ដោយផ្លូវទួលពង្រ កែងនឹងផ្លូវ២១៧ ទល់មុខវត្តសំបូរមាស សង្កាត់ដង្កោ ខណ្ឌដង្កោ រាជធានីភ្នំពេញ ។
យោងតាមប្រភពព័ត៌មានពីម្ចាស់ផ្ទះបានប្រាប់ឲ្យដឹងថា មុនពេលកើតហេតុ គាត់បានឃើញផ្សែងហុយចេញពីកន្លែងហាងកាហ្វេរបស់គាត់ ក៏សង្ស័យបានទៅមើល ឃើញភ្លើងកំពុងតែឆាបឆេះខ្លាំង និងបង្កការភ្ញាក់ផ្អើលដល់ប្រជាពលរដ្ឋបានមកជួយយកបំពង់ពន្លត់អគ្គិភ័យបាញ់ពន្លត់ តែមិនអាចគ្រប់គ្រងស្ថានភាពបាន ចំណែកឯភ្លើងបានរាលដាលឆេះយ៉ាងសន្ធោសន្ធៅ ខណៈនោះ ប្រជាពលរដ្ឋបានទំនាក់ទំនងទៅខាងរថយន្ដពន្លត់អគ្គិភ័យ មកពន្លត់ បានប៉ុន្មាននាទីក្រោយមក រថយន្ដពន្លត់អគ្គិភ័យ បានមកដល់បាញ់ពន្លត់សម្រេចគ្រប់គ្រងស្ថានភាពបាន ប៉ុន្តែគួរឲ្យស្ដាយរបស់របរក្នុងហាងកាហ្វ រួមទាំងតាបប៊ីយ៉ែរ ត្រូវបានភ្លើងឆាបឆេះអស់គ្មានសល់ រួមទាំងម៉ូតូ៣គ្រឿងទៀត ដែលទុកក្នុងហាងការហ្វ ឆេះខ្ទេចនៅសល់តែគ្រោងដែក ។ ករណីអគ្គិភ័យនេះ រថយន្ដពន្លត់អគ្គិភ័យមកអន្តរាគមន៍ចំនួន៣គ្រឿង ។
ករណីខាងលើនេះសមត្ថកិច្ចសន្និដ្ឋានបណ្តាលមកពីការឆ្លងចរន្តអគ្គិសនី ទុស្សេខ្សែភ្លើង បង្កឲ្យមានការឆាបឆេះយ៉ាងដូច្នេះ តែមិនបណ្ដាលឲ្យមនុស្សរងរបួស និងរាលដាលឲ្យឆេះកាន់តែខ្លាំងនោះ ទេ៕ ភារ៉ា ដង្កោ
