សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ទូកទេសចរណ៍២គ្រឿងបុកគ្នានៅសមុទ្រកោះរ៉ុងសន្លឹមបណ្តាលឲ្យជនបរទេសម្នាក់ស្លាប់ ។
សមត្ថកិច្ចឲ្យដឹងថា ហេតុការណ៍នេះ កើតឡើង នៅវេលាម៉ោង១៨និង៣០នាទីព្រលប់ ថ្ងៃ២៧ ខែវិច្ឆិកា ឆ្នាំ២០១៨ នៅចំណុចមុខបឹងកាឡូ ទ្រីហាវ ស្ថិតនៅភូមិកោះតូច សង្កាត់កោះរ៉ុងសន្លឹម ក្រុងព្រះសីហនុ ខេត្តព្រះសីហនុ ។
ប្រភពបន្តថា ទូកទេសចរណ៍មួយគ្រឿង ពណ៌ខៀវ បើកបរដោយឈ្មោះ គង់ គី ភេទប្រុស អាយុ ៤៧ឆ្នាំ រួមដំណើរដោយជនបរទេសម្នាក់ បានចេញពីឆ្នេរឡុងសិត ឆ្ពោះទៅផែ បូរ៉ា មកដល់ចំណុចកើតហេតុខាងលើ ក៏បានបុកជាមួយទូកកន្ទុយវែង ដឹកអ្នកទេសចរណ៍មួយគ្រឿងទៀត បើកបរដោយឈ្មោះ ម៉ម វី ដឹកភ្ញៀវទេសចរណ៍បរទេសចំនួន១៦នាក់ បណ្តាលឲ្យទូកដឹកអ្នកទេសចរណ៍នោះលិចក្នុងសមុទ្រ ធ្វើឲ្យជនបរទេសម្នាក់បានស្លាប់ ចំណែក មនុស្សផ្សេងទៀតក្នុងទូកត្រូវបានជួយស្រង់ឡើងលើទូកធំ ។
ជនរងគ្រោះដែលស្លាប់ឈ្មោះ PE ROU BOGAN-MIHAIL ភេទប្រុស ថ្ងៃខែឆ្នាំកំណើត 23/07/1983 ជនជាតិ រ៉ូមានៀ ។
ក្រោយកើតហេតុ សមត្ថកិច្ចបានបញ្ជូនសាកសពយកមករក្សាទុកនៅមន្ទីរពេទ្យបង្អែកខេត្តព្រះសីហនុ រង់ចាំស្ថានទូតសាម៉ីសម្រេច ៕ ឆ្លាម សមុទ្រ
