សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នៅវេលាម៉ោង៣និង៣០នាទីរសៀលថ្ងៃទី២៨ វិច្ឆិកា ២០១៨ មានគ្រោះថ្នាក់ចរាចរណ៍មួយកើតឡើងលើផ្លូវជាតិលេខ៤ ចន្លោះគីឡូម៉ែត្រលេខ១៥៧,១៥៨ ស្ថិតក្នុងភូមិមនោរម្យ ឃុំតានៃ ស្រុកព្រៃនប់ ខេត្តព្រះសីហនុ រវាងម៉ូតូម៉ាក កាវ៉ាសាគី ពណ៌ខ្មៅ ពាក់ស្លាក លេខភ្នំពេញ 1DF1993បើកបរ ដោយឈ្មោះតឹប ហាក់ ភេទប្រុស អាយុ២៦ឆ្នាំ មានទីលំនៅ ភូមិបត់គគីរ ឃុំអូរឧកញ្ញាហេង ស្រុកព្រៃនប់ ខេត្តព្រះសីហនុ បើកបរក្នុងទិសដៅ (ភ្នំពេញ-ខេត្តព្រះសីហនុ) មកដល់ចំណុចខាងលើបានបុកជាមួយម៉ូតូ ម៉ាកសង់សេ១២៥ ពណ៌ ខ្មៅ ពាក់ស្លាក លេខភ្នំពេញ AQ1462បើកបរដោយឈ្មោះលឹម វង្សា ភេទប្រុស អាយុ៣៣ឆ្នាំមុខរបរ បុក្គលិកក្រុមហ៊ុនដូងប្រេង មានទីលំនៅភូមិមនោរម្យ ឃុំតានៃស្រុកព្រៃនប់ ខេត្តព្រះសីហនុ ដែលបើកឆ្លងផ្លូវ បណ្តាលឲ្យឈ្មោះ តុប ហាក់ រងរបួសធ្ងន់បាក់ជើងស្តាំ រីឯឈ្មោះលឹម វង្សា រងរបួសមធ្យម។
ក្រោយកើតហេតុភ្លាមៗកម្លាំងស្នាក់ការអាវុធហត្ថ៤០១ សហការជាមួយនគរបាលបានចុះអន្តរាគមន៍សំរួលចរាចរណ៍ និងសហការរៀបចំបញ្ជូនជនរងគ្រោះទៅមន្ទីរពេទ្យ ។
ចំពោះវត្ថុតាងខាងលើប្រគល់អោយ នគរបាលរដ្ឋបាលឃុំតានៃ រក្សាទុកដោះស្រាយបន្តនៅពេលក្រោយ ៕ ឆ្លាម សមុទ្រ
