សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ លោកវរសេនីយ៍ត្រីឈុន រតនៈ អធិការរងនគរបាលស្រុកព្រៃនប់ បានឲ្យដឹងថា នៅថ្ងៃទី២៨ ខែវិច្ឆិកា ឆ្នាំ២០១៨ ម៉ោង១៥ៈ៣០នាទី កម្លាំងនគរបាលស្រុកព្រៃនប់ បានបង្ក្រាបបទល្មើសគ្រឿងញៀនមួយករណី ឃាត់ខ្លួនជនសង្ស័យ១នាក់ ឈ្មោះកួត កីឡា ភេទប្រុសអាយុ៣០ឆ្នាំ មានទីលំនៅក្នុងតំបន់ទីលានចាក់សំរាម ភូមិអូរតាសេក ឃុំអូរឧកញ៉ា ហេង ស្រុកព្រៃនប់ ខេត្តព្រះសីហនុ (ជាកន្លែងត្រូវចាប់ខ្លួនតែម្តង) ព្រមទាំងចាប់យកបាន ម្សៅក្រាមសថ្លាសង្ស័យសារធាតុញៀនចំនួន ៥កញ្ចប់ (ធំ១កញ្ចប់ និង តូច៤កញ្ចប់) ។
ករណីនេះ សមត្ថកិច្ចជំនាញកំពុងកសាងសំណុំរឿង តាមនីតិវិធីបញ្ជូនទៅសាលាដំបូងខេត្ត ៕ ឆ្លាម សមុទ្
