សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនជាតិចិន បើកបររថយន្តយ៉ាងល្បឿនជ្រុលចង្កូតទៅបុកបង្គោលភ្លើងបំភ្លឺផ្លូវបាក់មួយដើម កាលពីម៉ោង៣និង៣០នាទីទៀបភ្លឺ ថ្ងៃទី៣០ ខែវិច្ឆិកា ឆ្នាំ២០១៨ នៅតាមបណ្តោយផ្លូវលេខ២០០៤ ស្ថិតក្នុងសង្កាត់អូរបែកក្អម ខណ្ឌសែនសុខ រាជធានីភ្នំពេញ។
ប្រភពពត៌មាននៅកន្លែងកើតហេតុបានឲ្យដឹងថា មុនពេលកើតហេតុគេម្នាក់ បានបើកបររថយន្តមួយគ្រឿងម៉ាកតូយ៉ូតា ហាយឡែនឌ័រ ពណ៌ក្រហម ពាក់ស្លាកលេខ ភ្នំពេញ 2AW-7610 ធ្វើដំណើរតាមបណ្តោយផ្លូវលេខ២០០៤ ក្នុងទិសដៅពីកើតទៅលិចយ៉ាងលឿន បានជ្រុលចង្កូតទៅខាងឆ្វេងឡើងលើសួនច្បារពុះចែកទ្រូងផ្លូវបុកបង្គោលភ្លើងបំភ្លឺផ្លូវបាក់១ដើម ។ ចំណែកឯរថយន្តដាច់ក្រឡេកង់ទៅមុខលែងរួច សំណាងល្អដែលមិនបង្កឲ្យមានអ្នករងរបួស។
បន្ទាប់ពីកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុទាក់ទងទៅសមត្ថកិច្ចជំនាញចរាចរចុះមកស្ទូចយករថយន្តបង្ក រួមទាំងអ្នកបើកបររថយន្តទៅកាន់ការិយាល័យចរាចរផ្លូវគោកនៃស្នងការដ្ឋាននគរបាលរាជធានីភ្នំពេញរង់ចាំដោះស្រាយនៅពេលក្រោយ ៕ ជ្រោយពេជ្រ
