សារព័ត៌មាន នគរវត្ត តែងតែនាំមុខគេជានិច្ច
ភ្នំពេញៈ គេបានរាយការណ៍មកថាៈ អាចដោយអាងអំណាចឪពុកក្មេកនិងម្តាយក្មេក សុទ្ធតែមានឋានៈជាប្រធានមន្ទីរៗនៅខេត្ត កូនប្រសារបើក មន្ទីរសម្រាកព្យាបាលនិងសម្ភពកំពតសង់តេ គ្មានច្បាប់អនុញ្ញាត
ពីក្រសួងសុខាភិបាលអស់រយៈពេលជិត៤ខែមកហើយដោយកំពុងតែដំណើរការយ៉ាងរលូនគឺពុំមាននរណាម្នាក់មករំខានអ្វីឡើយ។
គេបញ្ជាក់ថាៈ គ្លីនិកលោតឆ័ត្រនេះ ស្ថិតនៅ
ភូមិ១ឧសភា សង្កាត់កំពង់កណ្តាល ក្រុងកំពត ខេត្តកំពត។
មន្ទីរសម្រាកព្យាបាលនេះគ្រប់គ្រងដោយលោកវេជ្ជបណ្ឌិត បូ ចាន់ដារ៉ា ជាមន្ត្រីបម្រើការនៅមន្ទីរពេទ្យបង្អែក ខេត្តកំពត ដែលមានឪពុកក្មេកប្រធានមន្ទីរសេដ្ឋកិច្ច
និងហិរញ្ញវត្ថុ ខេត្តកំពត រីឯម្ដាយក្មេកក៍ធ្វើជា ប្រធានមន្ទីរសង្គមកិច្ចការងារខេត្តកំពត នេះដែរ។ គ្លីនិកព្យាបាលជំងឺទូទៅគ្រប់ប្រភេទនីមួយៗត្រូវមាន គ្រូពេទ្យ ឱសថការី
មានផ្នែកគណនេយ្យ មន្ទីរពិសោធន៍ថតឆ្លុះគឺរូបភាពវិជ្ជសាស្ត្រ ជាដើម។ល។
យោងតាមប្រភពពីក្រុម ជាមន្ត្រីបម្រើការនៅក្នុង មន្ទីរសុខាភិបាល ខេត្តកំពត ប្រាប់ឱ្យដឹងថាៈ គ្លីនិករបស់លោក បូ ចាន់ដារ៉ា ដែលមានឈ្មោះថា
«មន្ទីរសម្រាកព្យាបាលនិងសម្ភពកំពតសង់តេ»គ្រាន់តែទិញដីសាងសង់គ្លីនិកនិងបំពាក់សម្ភារបរិក្ខាបានចំណាយថវិកាអស់ជាងមួយលានដុល្លារកំពុងតែដំណើរ
ការអត់ច្បាប់ដោយមិនមានសមត្ថកិច្ចជំនាញណាមួយហ៊ានទៅជិតឬក្បែរឡើយ ព្រោះខ្លាចអំណាចគ្រួសារមួយនេះណាស់។ ដូច្នេះក្រសួងសុខាភិបាលស្ថិតក្រោម
ការគ្រប់គ្រងរបស់លោក ម៉ម ប៊ុនហេង ជារដ្ឋមន្ត្រីសូមមេត្តាចុះពិនិត្យមើលករណីនេះផង ដេីម្បីសុខមាភាព សុវត្ថិភាពប្រជាពលរដ្ឋ។
ប្រភពដដែលបន្តទៀតថា ប្រាក់ទិញដីសាងសង់និងបំពាក់សម្ភារបរិក្ខាគ្លីនិកនេះ អស់ជាងមួយលានដុល្លារ គឺជាថវិការបស់ឪពុកក្មេកនិងម្តាយក្មេកលោក ចាន់ដារ៉ា
ដែលគេបានដាក់ភាពសង្ស័យថាអាចមកពីអំពើពុករលួយនៃគម្រោងដេញថ្លៃនានារបស់មន្ទីរជុំវិញ ខេត្តកំពត ស្ថិតនៅក្រោមការគ្រប់គ្រងពី មន្ទីរសេដ្ឋកិច្ចនិងហិរញ្ញវត្ថុខេត្ត។ ប្រភពក៍បានទទូច សុំឱ្យអង្គភាពប្រឆាំងអំពើពុករលួយ របស់លោក ឱម យិនទៀង សូមចាត់មន្ត្រីឱ្យចុះត្រួតពិនិត្យមើលដំណើរការ មន្ទីរហិរញ្ញវត្ថុ ខេត្តកំពត នេះផង។
គួរំលឹកថាៈ កន្លងទៅនៅព្រឹកថ្ងៃទី៣១ ខែតុលា ឆ្នាំ២០១៨ លោក ម៉ម ប៊ុនហេង រដ្ឋមន្ត្រីក្រសួងសុខាភិបាល ក៍ដូចលោក សុខ ប៉ូ អនុប្រធាននាយកដ្ឋានមន្ទីរពេទ្យរបស់ ក្រសួងសុខាភិបាលបញ្ជាក់អំពីផ្លូវច្បាប់ដូចគ្នាថា គ្លីនិកនេះកំពុងតែដំណើរការខុសច្បាប់ គឺមុននឹងបើកឱ្យដំណើរមន្ទីរពេទ្យនេះឡើង ត្រូវតែសុំច្បាប់អនុញ្ញាតពីក្រសួងសុខាភិបាល
ជាមុនសិន។ បើសិនមន្ទីរសុខាភិបាលភិបាល ខេត្តកំពត ថា អាចដំណើរការមុនបាននោះសូម លោកអនុប្រធានមន្ទីរខេត្ត យកលិខិតបទដ្ឋានឬច្បាប់ណាមួយមក
បង្ហាញក្រសួងឱ្យបានដឹងផង។ រាល់សេវាឯកជនទាំងអស់ មុននឹងដំណើរការទៅបានត្រូវតែសុំច្បាប់អនុញ្ញាតពី ក្រសួងសុខាភិបាល ជាដាច់ខាត។
លោក កែវ សុផាន់ អនុប្រធាន មន្ទីរសុខាភិបាល ខេត្តកំពត ធ្លាប់អោយដឹងនៅព្រឹកថ្ងៃទី៣១ ខែតុលា នេះកន្លងទៅថា គ្លីនិកខាងលើមិនទាន់មានច្បាប់មែនតែអាចដំណើរការ
សិនបានដើម្បីឱ្យក្រុមការងារលោកចុះទៅពិនិត្យវាយតម្លៃមើលអំពីលក្ខខណ្ឌច្បាប់ថា តើគ្រប់គ្រាន់ដែរឬទេ ? បើទោះបីជាយ៉ាងណាមន្ទីរសុខាភិបាល ខេត្តកំពត
បានទុកឱកាសឱ្យគ្លីនិក«សម្រាកព្យាបាលនិងសម្ភពកំពតសង់តេ»នេះម្តងរួចមកហើយសម្រាប់បំពេញលក្ខខណ្ឌនានាដែលខ្វះខាតក្នុងរយៈមួយខែ។
អនុប្រធានមន្ទីរសុខាភិបាល ខេត្តកំពត បានឱ្យដឹងទៀតថា ក្រសួងសុខាភិបាលជាអ្នកចេញច្បាប់អនុញ្ញាតជូនសេវាឯកជនស្មុគស្មាញនេះ។ បើសិនជាសេវាឯក
ជនមិនស្មុគស្មាញគឺវាចូលតាមច្រកចេញចូលតែមួយ ខេត្តកំពត៕ សិលា
