សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ ៖ មានករណីគ្រោះថ្នាក់ចរាចរណ៍មួយកើតឡើងដោយម៉ូតូបុកម៉ូតូយ៉ាងពេញទំហឹង បណ្តាលឲ្យស្ត្រីម្នាក់ ស្លាប់បាត់បង់ជីវិត និងរងរបួសធ្ងន់ម្នាក់ត្រូវបានក្រុំគ្រួសារដឹកបញ្ជូនទៅកាន់មន្ទីរពេទ្យភ្លាមៗ ។
ឧបទ្ទវហេតុគ្រោះថ្នាក់ចរាចរណ៍នេះកើតឡើងនៅរសៀលថ្ងៃអង្គារ ១១ កើត ខែ មិគសិរ ឆ្នាំ ច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៨ខែធ្នូ ឆ្នាំ២០១៨នៅចំណុចខាងជើងយាយពេជ្រ ស្ថិតក្នុងភូមិខោស ឃុំទំរីង ស្រុកសណ្តាន់ ខេត្តកំពង់ធំ ។
មន្រ្តីនគរបាលស្រុកសណ្តាន់បានឲ្យដឹងថា ជនរងគ្រោះដែលបាត់បង់ជីវិតមានឈ្មោះ ហុង ស៊ីថា អាយុ ៤៣ឆ្នាំ រស់នៅភូមិ/ឃុំ កើតហេតុខាងលើ ត្រូវបានសមត្ថកិច្ចជំនាញប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី និងបានយកវត្ថុតាងមករក្សាទុក នៅប៉ុស្តិ៍នគរបាលរដ្ឋបាលទំរីង រង់ចាំដោះស្រាយតាមច្បាប់ពេលក្រោយ គ្រាដែលភាគីម្ខាងទៀតកំពុងសម្រាកព្យាបាលរបួសធ្ងន់ធ្ងរនៅមន្ទីរពេទ្យ ៕ សហការី
