សារព័ត៌មាន នគរវត្ត តែងតែនាំមុខគេជានិច្ច
ខេត្តក្រចេះ៖ កាលពីព្រឹកថ្ងៃសុក្រ ១៤ កើត ខែ មិគសិរ ឆ្នាំ ច សំរឹទ្ធិស័ក ព.ស.២៥៦២ ត្រូវនឹងថ្ងៃទី២១ ខែឆ្នាំ ២០១៨ នៅចំណុចផ្ទះរបស់ជនរង គ្រោះឈ្មោះ ស៊ុន វ៉ាន់នី ភេទប្រុស អាយុ៥៣ឆ្នាំ ជាតិខ្មែរ ស្ថិតនៅក្នងភូមិកាត់ដៃ ឃុំស្នួល ស្រុកស្នួល ខេត្តក្រចេះមានជនសង្ស័យម្នាក់ឈ្មោះមាត់ កំរៃ ហៅ ចម ភេទប្រុស អាយុ២២ឆ្នាំ ជនជាតិខ្មែរ រស់នៅភូមិជាមួយជនរងគ្រោះ បានធ្វើសកម្មភាពចូលលួច ទូរទស្សន៍ និង ក្បាលអំភ្លី នៅក្នុងផ្ទះជនរងគ្រោះខាងលើ ខណៈជនរងគ្រោះ បិទទ្វារផ្ទះភ្លេចចាក់សោ ហើយត្រូវបានជងសង្ស័យខាងលើ ដើរចូលក្នុងផ្ទះបម្រុងលួច។
សមត្ថកិច្ចនគរបាលស្រុកស្នួលបានឲ្យដឹងថា ខណៈជនសង្ស័យកំពុងធ្វើសកម្មភាពលើក ទូរទស្សន៍ និង ក្បាលអំភ្លី បម្រុងយកចេញពីក្នុងផ្ទះនោះ ក៏ត្រូវម្ចាស់ផ្ទះមកដល់ឃើញទាន់ ក៏ចាប់ឃាត់ជនសង្ស័យ ហើយរាយការណ៍ជូនកម្លាំងសមត្ថកិច្ចតែម្តង។
បន្ទាប់មកកម្លាំងប៉ុស្តិ៍នគរបាលឃុំស្នួល សហការជាមួយកម្លាំងជំនាញផ្នែកយុត្តិធម៌ ចុះទៅដល់កន្លែងកើតហេតុឃាត់ខ្លួនឈ្មោះមាត់ កំរៃ ហៅ ចម យកមកអធិការដ្ឋាននគរបាល ស្រុកស្នួល ដើម្បីសាកសួរហើយជនសង្ស័យ ក្រោយពេលកម្លាំងជំនាញផ្នែកយុត្តិធម៌ សាកសួររួច ត្រូវឃាត់ខ្លួនបណ្តោះអាសន្ននៅអធិដ្ឋាននគរបាលស្រុកស្នួល ដើម្បីកសាងសំណុំរឿងបញ្ជូនទៅតុលាការ ៕ សហការី
