ជនជាតិចិនបើករថយន្តស៊េរីទំនើបបុករបាំងថ្មចែកទ្រូវផ្លូវនិងបន្តបុករះចូលផ្ទះលក់សាច់អាំង

ភ្នំពេញ៖ ជនជាតិចិនទំនងជាស្រវឹងស្រាបានបើករថយន្តស្ព័រស៊េរីទំនើបមួយគ្រឿងរេចង្កូតទៅបុករបាំងថ្មពុះចែកទ្រូងផ្លូវខូចខាតអស់៤ផ្ទាំងរថយន្តដាច់កង់ឆ្វេង ហើយមិនទាន់អស់ល្បឿនបានជ្រុលទៅបុកចូលផ្ទះលក់សាច់អាំងបន្តបុកដើមឈើទៅមុខលេរួចសំណាងល្អមិនបង្កឲ្យមានរងរបួស។
ហេតុការណ៍នេះបានកើតឡើងកាលពីម៉ោង៣ទៀបភ្លឺថ្ងៃអង្គារ ទី១ ខែមករា ឆ្នាំ២០១៩ តាមបណ្តោយផ្លូវព្រះមុនីវង្ស ខាងមុខហាងសាច់អាំងជីនជុន ក្នុងសង្កាត់បឹងកែងកង១ ខណ្ឌចំការមន រាជធានីភ្នំពេញ។

ប្រភពពត៌មាននៅកន្លែងកើតហេតុបានឲ្យដឹងថា មុនពេលកើតហេតុគេឃើញជនជាតិចិនប្រុសស្រីពីរនាក់ទំនងជាស្រវឹងស្រាបានបើករថយន្តស្ព័រស៊េរីទំនើបមួយគ្រឿងម៉ាកEerrar1 ពណ៌ខ្មៅ ពាក់ស្លាកលេខភ្នំពេញ2AZ-3333
ដំណើរតាមបណ្តោយផ្លូវព្រះមុនីវង្សក្នុងទិសដៅពីត្បូងទៅជើង ខណៈមកដល់ចំណុចកើតហេតុបានរេចង្កូតជ្រុលទៅបុករបាំថ្មចែកទ្រូវផ្លូវ រលំអស់៤ផ្ទាំរថយន្តដាច់កង់មុខ ហើយមិនទាន់អស់ល្បឿនបានជ្រុលទៅ បុកស្លាកយីហោផ្ទះលក់សាច់អាំងផ្ទប់និងដើមឈើមួយដើមទៅមុខលេរួចសំណាងល្អមិនបង្កឲ្យមានអ្នករងរបួស ក្រោយកើតហេតុម្ចាស់រថយន្តបង្កបានឡើងជិះរថយន្តមួយគ្រឿងទៀតគេចខ្លួនចេញពីកន្លែងកើតហេតុបាត់។
បន្ទាប់ពីកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចរាចរស្ទូច
យករថយន្តបង្កទៅរក្សាទុកនៅការិយាល័យចរាចរផ្លូវគោករាជធានីភ្នំពេញរងចាំដោះស្រាយគ្នានៅពេលក្រោយ៕ ជ្រោយពេជ្រ