សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ៖ បុរសម្នាក់បានបញ្ចប់ជីវិតខ្លួនឯង ដោយចងកសម្លាប់ខ្លួននៅភូមិជើងភ្នំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ កាលពីវេលាម៉ោង១០និង៣០នាទីថ្ងៃទី៣១ ខែធ្នូ ឆ្នាំ២០១៨។
សមត្ថកិច្ចបានឲ្យដឹងថា ជនរងគ្រោះឈ្មោះឡេង លេខ ភេទប្រុស អាយុ២៥ឆ្នាំ រស់នៅភូមិស្រះឈូក ឃុំត្រពាំងប្រីយ៍ ស្រុកអន្លង់វែង បានយកក្រមាចងកសម្លាប់ខ្លួនឯងព្យួរនឹងដើមត្រសេកកម្ពស់២ ម៉ែត្រ ពីដីនៅក្នុងព្រៃខាងជើងផ្លូវជាតិលេខ៦៧ ចំណុចផ្លូវឡើងភ្នំ ចម្ងាយ៥០០ម៉ែត្រ បណ្តាលឲ្យស្លាប់។
សមត្ថកិច្ចបានបន្តទៀតថាដោយមូលហេតុតូចចិត្តនឹងខ្លួនកើតជម្ងឺអេដស៍ ។ ករណីនេះបន្ទាប់ពីទទួលព័ត៌មានបានភ្លាម អធិការនគរបាលស្រុក បានចាត់តាំងកម្លាំងជំនាញ និងប៉ុស្តិ៍រដ្ឋបាល ចុះទៅពិនិត្យនៅកន្លែងកើតហេតុក្រោយពីស្រាវជ្រាវរួចឃើញថាជនរងគ្រោះបានស្លាប់ដោយសារចងករសម្លាប់ខ្លួនឯងពិតប្រាកដមែនរួចហើយសមត្ថកិច្ចបានប្រគល់សព ជូនក្រុមគ្រួសារយកទៅធ្វើបុណ្យតាមប្រពៃណី ៕ប៉ែន នួន
