សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ គ្រោះថ្នាក់ចរាចរណ៍រវាង រថយន្ត បុកអ្នកថ្មើរជើងដើរឆ្លងកាត់ផ្លូវ បណ្តាលយុវជនម្នាក់ស្លាប់ ហេតុការណ៍នេះ បានកើតឡើងកាលពី វេលាម៉ោង២២និង៣០នាទីថ្ងៃសុក្រ ១៣រោច ខែមិគសិរ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី៤ ខែមករា ឆ្នាំ២០១៩ លើកំណាត់ផ្លូវជាតិលេខ០៦ ភូមិមឈាយ ឃុំសំព្រោច ស្រុកស្ទោង ខេត្តកំពង់ធំ។
សមត្ថកិច្ចបានឲ្យដឹងថា រថយន្ត និងអ្នកបើកបរមិនស្គាល់អត្តសញ្ញាណ (បើករថយន្តគេចខ្លួនបាត់)។
អ្នកថ្មើរជើងឆ្លងកាត់ផ្លូវ ឈ្មោះ ថង ថេន ភេទប្រុស អាយុ១៩ឆ្នាំ នៅភូមិស្លា ឃុំទ្រា ស្រុកស្ទោង ខេត្តកំពង់ធំ(ស្លាប់នៅកន្លែងកើតហេតុ)។
ក្រោយកើតហេតុ សមត្ថកិច្ចចុះវាស់វែងធ្វើកំណត់ហេតុ ប្រគល់សាកសពឲ្យក្រុមគ្រួសារចាត់ចែងធ្វើបុណ្យតាមប្រពៃណី និងបើកការស៊ីបអង្កេតរករថយន្ដបង្កមកចាត់ការតាមច្បាប់ ៕ ប៊ុនរិទ្ធី
