សារព័ត៌មាន នគរវត្ត តែងតែនាំមុខគេជានិច្ច
ខេត្តស្ទឹងត្រែង: មានករណីរំលំដើមឈើមួយដើម បណ្តាលឲ្យបុរសម្នាក់ស្លាប់កាលពីវេលាម៉ោង១០ ព្រឹកថ្ងៃទី១០ ខែមករា ឆ្នាំ២០១៨ នៅចំណុចជាំស្ពង ក្នុងភូមិសំអាង ស្រុកថាឡាបរិវ៉ាត់ ខណៈដែលជនរងគ្រោះកាប់ដើមឈើខុសបច្ចេកទេស ។
មន្រ្តីនគរបាលស្រុកថាឡាបរិវ៉ាត់ បានឲ្យដឹងថា ជនរងគ្រោះមានឈ្មោះ ចាន់ មករា ភេទប្រុស អាយុ៣២ឆ្នាំ មុខរបរកសិករ មានទីលំនៅភូមិអូរទឹកថ្លា ឃុំទំនុបដាច់ ស្រុកត្រពាំងប្រាសាទ ខេត្តឧត្តរមានជ័យ បានមកស្នាក់នៅភូមិសំអាង ឃុំសំអាង ស្រុកថាឡាបរិវ៉ាត់ យូរខែមកហើយ ។
សមត្ថកិច្ច បានឲ្យដឹងទៀតថា មុនពេលកើតហេតុ ជនរងគ្រោះ បានទៅកាត់ឈើក្នុងភូមិតែម្នាក់ឯងហើយពេលកាត់ ដាច់ពាក់កណ្តាលនិងបម្រុងអារផ្តាច់ធ្វើឲ្យខុសបច្ចេកទេសក៍ ត្រូវដើមឈើធំមួយដើមបាក់សង្កត់លើ បណ្តាលឲ្យស្លាប់តែម្តងនៅនឹងកន្លែង។
ក្រោយពេលទទួលបានដំណឹងនេះភ្លាម កម្លាំងជំនាញ សហការជាមួយប៉ុស្តិ៍នគរបាលរដ្ឋបាលនិងអាជ្ញាធរភូមិឃុំ ចុះទៅពិនិត្យសព និងសួរបំភ្លឺពីសាក្សីឃើញាជនរងគ្រោះត្រូវបានស្លាប់ ដោយសារឈើសង្កត់បាក់ភ្លៅ និងបែកពង ស្វាសបណ្តាលឲ្យស្លាប់ពិតប្រាកដមែនហើយពេលពិនិត្យរួចក៏បានប្រគល់សពឲ្យគ្រួសារយកទៅធ្វើបុណ្យតាមប្រៃណី៕ សហការី
