សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ យុវជនម្នាក់ស្រវឹងស្រាជិះម៉ូតូបុកបង្គោលថ្មដាក់រាងតាមផ្លូវថ្នល់បណ្ដាលឲ្យដួលបោកក្បាលស្លាប់យ៉ាងអាណោចអាធ័ម ។
ហេតុការណ៍នេះ បានកើតឡើងកាលពីវេលាម៉ោង១០និង ៣០នាទីយប់ ថ្ងៃទី១១ ខែមករា ឆ្នាំ ២០១៩ នៅចំណុចផ្លូវទៅភ្នំក្រោម ក្នុងភូមិស្ពានជ្រាវ សង្កាត់សៀមរាប ខេត្តសៀមរាប ។
តាមការរៀបរាប់ពីលោកពូ ម្នាក់ឈ្មោះ អិន ឌី ត្រូវជាពូ ជនរងគ្រោះ បានប្រាប់ឲ្យដឹងថា ក្មួយរបស់គាត់ឈ្មោះ អេង គឹមហេង ភេទប្រុស អាយុ ២៤ឆ្នាំ នៅ ភោជនីយដ្ឋាន ពន្លឺព្រះច័ន្ទ រស់នៅក្នុងភូមិ បឹង សង្កាត់សៀមរាប ក្រុងនិងខេត្តសៀមរាប ។
មុនពេលកើត ហេតុ ជនរងគ្រោះ បានជិះម៉ូតូចេញពីកន្លែងស៊ីការ បំរុងមកផ្ទះ មកដល់ពាក់កណ្ដាលផ្លួវ ស្រាប់តែបងប្រុសរបស់គេបាន តេតាមទូស័ព្ទពីកន្លែងប្រាប់ថាឲ្យត្រឡប់មកកន្លែង ហាងពន្លឺព្រះច័ន្ទ ភ្លាម បន្ទាប់មកជនរងគ្រោះក៏បានជិះទៅដល់ពាក់កណ្ដាលផ្លូវ ស្រវឹងផងនោះស្រាប់ជ្រុលទៅបុកបង្គោលថ្មតាមចិញ្ចើមថ្នល់ដួលបោកក្បាលស្លាប់នៅកន្លែងកើតហេតតែម្ដង ។
សាកសពត្រូវក្រុមគ្រួសារយកមកចាត់ចែងធ្វើបុណ្យនៅវត្តពោធិ៍ក្រោម តាមប្រពៃណី ៕ ប៊ុនរិទ្ធី
