សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ហេតុការណ៍គ្រោះអគ្គិភ័យ២កន្លែង បានកើតឡើងក្នុងពលតែមួយបង្កការភ្ញាក់ផ្អើលទាំងយប់ដោយករណីទីមួយបានកើតឡើងនៅតាមបណមតោយផ្លូវវេងស្រេងខាលិចមន្ទីរពេទ្យឯករាជ្យ២ ស្ថិតក្នុងសង្កាត់ចោមចៅទី១ ខណ្ឌពោធិ៍សែនជ័យ ខណះរថយន្តដឹកទំនិញមួយគ្រឿងបានឆាប់ឆេះកង់ផ្នែកខាងក្រោយបង្កការភ្ញាក់ផ្អើលតែត្រូវបានប្រជាពលរដ្ឋជួយសង្គ្រោះទាន់ពេលវេលា។
ចំណែករណីទី២ គឺរោងចក្រផលិតកាបូបមួយកន្លែងបានឆាបឆេះបង្កជាផ្សែងយ៉ាងសន្ធោសន្ធៅផ្អើលដល់ប្រជាពលរដ្ឋ និងសមត្ថកិច្ចហៅរថយន្តពន្លត់អគ្គិភ័យជាច្រើនគ្រឿងមកអន្តរាគមន៍ កាលពីវេលាម៉ោង ២៣ និង១០ នាទី ថ្ងៃទី១៤ ខែមករា ឆ្នាំ២០១៩ នៅចំណុច ក្នុងរោងចក្រ ឌីឡាក់ ស្ថិតនៅភូមិត្រពាំងថ្លឹង១ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ។
សមត្ថកិច្ចបានឲ្យដឹងថា មុនពេលកើតហេតុកម្មករកំពុងតែធ្វើការជាធម្មតា ក៏ស្រាប់តែមានការឆ្លងចរន្តភ្លើងបណ្តាលឲ្យឆេះម៉ាសុីនអ៊ុតកាបូបបង្កទៅជាអគ្គិភ័យតែម្តង គ្រោះអគ្គិភ័យខាងលើនេះបណ្ដាលឲ្យឆេះ ម៉ាស៊ីនអ៊ុតខោអាវ ចំនួនប្រហែល៣០គ្រឿង តែមិនបណ្តាលឲ្យរងរបួសដល់មនិស្សនោះទេ ដោយប្រើប្រាស់រថយន្ត ពន្លត់ អគ្គិភយ័អស់ចំនួន ៧ គ្រឿង អគ្គិភ័យក៏រលត់ទៅវិញ។
សមត្ថកិច្ចបានបញ្ជាក់ថា មូលហេតុមកពីទុស្សេខ្សែភ្លើង ៕ សុខាសែនជ័យ
