សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បើករថយន្តកូរ៉េ និងមានបុរសម្នាក់ទៀត រួមដំណើរជាមួយជ្រុល បុកម៉ូតូមួយគ្រឿង បណ្តាលឲ្យរងការខូចខាតបន្តិចបន្តួច នៅកាលពីវេលាម៉ោង៨ និង៥០នាទីយប់ ថ្ងៃទី១៦ ខែមករា ឆ្នាំ២០១៩ តាមបណ្តោយផ្លូវ១៤៣ ស្ថិតក្នុងសង្កាត់បឹកកេងកងទី៣ ខណ្ឌចំការមន តែមិនឈប់ទទួលខុសត្រូវ ក៏ព្យាយាមបើករត់ រហូតមកដល់ចំណុចផ្លូវលេខ៣៣៨ កែងផ្លូវ១៩៩ ស្ថិតក្នុងសង្កាត់ទួលស្វាយព្រៃទី២ ខណ្ឌចំការមនទើបជ្រុលបុកជាមួយរថយន្តម៉ាស្តាមួយគ្រឿងទៀត រងការខូចខាត ហើយត្រូវបានប្រជាពលរដ្ឋចាប់តៃកុងវាយទ្រមខ្លួន ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុរថយន្តម៉ាកកូរ៉េ ពណ៌ស ពាក់ស្លាកលេខ ភ្នំពេញ2AB 4340 បើកបរដោយបុរសម្នាក់ និងព្រូម្នាក់ទៀតបានបើកបកម៉ូតូមួយគ្រឿងនៅតាមបណ្តោយផ្លូវលេខ១៤៣ ស្ថិតក្នុងសង្កាត់បឹកកេងកងទី៣ បណ្តាលឲ្យរងរបួសស្រាល ។
សាក្សីបានបន្តថា ភ្លាមនោះរថយន្តបង្កបានព្យាយាមបើករត់ដោយបើកតាមបណ្តោយផ្លូវ៣៣៨ក្នុងទិសដៅពីត្បូងទៅជើងរហូតមកដល់ចំណុចផ្លូវកែងលេង១៩៩ក៏បុកជាមួយរថយន្តម៉ាក ម៉ាស្ថា ពណ៍ខ្មៅ ពាក់ស្លាកលេខភ្នំពេញ2AD3166 បើកបរដោយនារីម្នាក់ធ្វើដំណើរតាមបណ្តោយផ្លូវលេខ១៩៩ បណ្តាលឲ្យរងការខូចខាតផ្នែកខាងមុខយ៉ាងដំណុំ ភ្លាមនោះក៏ត្រូវបានប្រជាលរដ្ឋដេញចាប់បានតៃកុងរថយន្តបង្ក និងព្រួតវាយទ្រមខ្លួមទើបប្រគល់ឲ្យសមត្ថកិច្វ។
ក្រោយពេលកើតហេតុម្ចាស់ម៉ូតូដោយសារតែមិនចង់មានរងវែងឆ្ងាយក៏សុំយកម៉ូតូទៅជួសជុលខ្លួនឯងដោយឡែករថយន្តទាំង២គ្រឿងរួមទាំងម្ចាស់រថយន្តបង្កត្រូវបានសមត្ថកិច្ចធ្វើការវាស់វែងយកទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញរងចាំដោះស្រាយតាមច្បាប់៕សុខាសែនជ័យ
