សារព័ត៌មាន នគរវត្ត តែងតែនាំមុខគេជានិច្ច
ខេត្តកោះកុង៖ មានគ្រោះថ្នាក់ចរាចរណ៍មួយកើតឡើងរវាង រថយន្តម៉ាក ឡិចស៊ីស RX ៣០០ មួយគ្រឿង ពណ៌ខ្មៅ ពាក់ស្លាកលេខ ភ្នំពេញ ២A ០៩៨៩ ទិសដៅកោះកុង-ភ្នំពេញ បើកបរដោយឈ្មោះ ហេង សារ៉ូត ភេទប្រុស អាយុ ២៦ឆ្នាំ ជនជាតិខ្មែរ ទីលំនៅ ទីរួមខេត្តកោះកុង ។ លុះមកដល់ចំណុចខាងលើផ្លូវកោង រថយន្តនេះបើកបរលឿនជាន់ហ្រាំ្វងរអិលក៏ជ្រុល ទៅបុករថយន្តមួយគ្រឿងទៀត ដែលកំពុងធ្វើដំណើរលើផ្លូវ រថយន្តម៉ាកឡិចស៊ីស RX ៣០០ ពណ៌ ស្លែ ពាក់ស្លាកលេខ ភ្នំពេញ២D ២៦៨៨ ទិសដៅភ្នំពេញ-កោះកុង បើកបរដោយឈ្មោះ ស្វាយ គីរី ភេទប្រុស អាយុ ៤៨ឆ្នាំ ជនជាតិខ្មែរ ទីលំនៅ សង្កាត់ ច្បារអំពៅ ខណ្ឌ ច្បារអំពៅ រាជធានីភ្នំពេញ បណ្តាលឲ្យក្រទ្បាប់ធ្លាក់ពីថ្នល់ចាត់ទុកជាសំណាងរបួសស្រាលមនុស្សម្នាក់តែរថយន្តខ្ទេចស្ទើរទាំងស្រុង។
ឧបទ្ទវហេតុគ្រោះថ្នាក់ចរាចរណ៍នេះកើតឡើងកាលពីរសៀលនៅ ថ្ងៃទី១៧ ខែមករា ឆ្នាំ២០១៩ លើផ្លូវជាតិលេខ ៤៨ ចំណុចអន្ទង់អាំងតូច ចន្លោះKm ៦៦-៦៧ ស្ថិតក្នុងភូមិជីមាល ឃុំអណ្តូងទឹក ស្រុកបូទុមសាគរ។
រថយន្តទាំង២គ្រឿងត្រូវបានកម្លាំងនគរបាលចរាចរស្រុកបុទុមសាគរស្ទូចយកមករក្សាទុកនៅអធិការនគរបាលស្រុកដើម្បីរង់ចាំដោះស្រាយទៅតាមច្បាប់៕
