សារព័ត៌មាន នគរវត្ត តែងតែនាំមុខគេជានិច្ច
ភ្នំពេញៈ រថយន្តសេរីទំនើបមួយគ្រឿងត្រូវបានអគ្គិភ័យឆាបឆេះបណ្តាលឲ្យខូចខាតស្ទើរទាំងស្រុង ខណៈដែលម្ចាស់ចតទុកចោលក្នុងផ្ទះវិឡាលេខ១៩ ផ្លូវ បេ០៧ ក្នុង បូរី ប៉េង ហួត ភូមិបឹងស្នោរ សង្កាត់និរោធ ខណ្ឌច្បារអំពៅ រាជធានីភ្នំពញ ដោយហេតុការណ៍នេះបង្កការភ្ញាក់ផ្អើល ឡើងកាលពីវេលាម៉ោង១២រសៀលថ្ងៃទី២៤ ខែ មករា ឆ្នាំ២០១៩ ។
បើតាមសម្តីម្ចាស់រថយន្តបានឲ្យដឹងថាមុនពេលកើតហេតុ គឺរថយន្តរបស់ខ្លួនម៉ាក មែកសឺដេស ដែលរងការឆាប់ឆេះនេះគឺចតទុកចោលនៅក្នុងផ្ទះជាច្រើនថ្ងៃមកហើយ ដោយមិនបានជិះចេញទៅណាទេ ស្រាប់តែថ្ងៃនេះមិនដឹងថាឆ្លងចរន្តអ្វីឬក៏មូលហេតុអីទេ ក៏ឆេះឡើងយ៉ាងសន្ធោសន្ធៅតែម្តង ។
ប្រភពដែលបន្តថាភ្លាមៗនោះគាត់បានបំពងពន្លត់អគ្គិភ័យបាញ់ពន្លត់អណ្តាតភ្លើងដែល ប៉ុន្តែមិនរលត់ក៏ស្រែកឆោឡោផ្អើលដល់កម្លាំងសន្តិសុខដែលយាមនៅក្នុងបូរីនាំគ្នាយកបំពងពន្លត់អគ្គិភ័យជាច្រើនជួយបាញ់អន្តរាគមន៍រហូតឲ្យរលត់សូន្យសុងទៅវិញ ដោយមិនបានរៀលដាលឆាបឆេះដល់លំនៅដ្ឋាននឹងសម្ភារផ្សេងឡើយ ប៉ុន្តែរថយន្តដែលឆាបឆេះនោះគឺរងការខូចខាតស្ទើរទាំងស្រុងទៅហើយ ។
ជុំវិញនឹងករណីសមត្ថកិច្ចក៏ដូចជាម្ចាស់រថយន្តនៅតែង្ងីឆ្ងល់ថាមិនដឹងបណ្តាលមកពីមូលហេតុអីបានរថយន្តចតទុកស្ងៀមត្រូវភ្លើងឆេះដែល ប៉ុន្តែមជ្ឈដ្ឋានជុំវិញសន្និភាពថាអាចបណ្តាលមកឆ្លង ចរន្តខ្សែភ្លើងក្នុងរថយន្តទើបបង្កឡើងជាអគ្គិភ័យបែបនេះទៅ ៕ សណ្តោស
