សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្តាល៖ ជាងដែកម្នាក់ត្រូវចរន្តអគ្គិសនីឆក់ស្លាប់យ៉ាងអាណោចអាធ័មកាលពីវេលាម៉ោង១,៤០នាទី ថ្ងៃទី៣០ ខែមករា ឆ្នាំ២០១៩ នៅក្នុងភូមិចិនកោះ ឃុំគគីរ ស្រុកកៀនស្វាយ ខេត្តកណ្តាល ។
ជនរងគ្រោះមានឈ្មោះយួស សុវណ្ណ នៅយក្ស ភេទប្រុស អាយុ៤៥ឆ្នាំ មុខរបរជាងផ្សារដែក មានទីលំនៅភូមិស្វាយតាអុក សង្កាត់វាលស្បូវ ខណ្ឌច្បារអំពៅ ។
លោកមាស បញ្ញា នាយប៉ុស្តិ៍នគរបាលរដ្ឋបាលគគីរបានឲ្យដឹងថា មុនពេលគ្រោះថ្នាក់ជនរងគ្រោះបានយកកន្ត្រៃកាត់សង្កសីដោយមិនបានពិនិត្យមើលខ្សែភ្លើងនោះទេ ។ ស្រាប់តែកាត់ដាច់ពាក់កណ្តាលក៍ចំខ្សែភ្លើងដែលនៅខាងក្រោមសង្កសីបណ្តាលឲ្យឆក់ជនរងគ្រោះស្លាប់ភ្លាមៗតែម្តង ។
ក្រោយកើតហេតុសមត្ថកិច្ចចុះទៅធ្វើកោសល្យវិច័យពិនិត្យឃើញថា ជនរងគ្រោះពិតជាស្លាប់ដោយសារខ្សែចរន្តអគ្គិសនីឆក់ស្លាប់ប្រាកដមែន ហើយសាកសពត្រូវសមត្ថកិច្ចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕ សណ្តោស
