សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ កាលពីយប់រំលងអធ្រាត្រ ឆ្លងចូលថ្ងៃទី១ ខែកុម្ភៈ ឆ្នាំ២០១៩ កម្លាំង ជំនាញអធិការដ្ឋាននគរបាលស្រុកព្រៃនប់ បានចុះបង្ក្រាប ករណីគ្រឿងញៀន នៅចំណុច ផ្លូវបេតុង ស្ថិតក្នុងភូមិកោះខ្យង ឃុំអូរជ្រៅ ស្រុកព្រៃនប់ ខេត្តព្រះសីហនុ ។
ជនសង្ស័យដែលសមត្ថកិច្ចឃាត់ខ្លួន ១-ឈ្មោះ តូង ជៀន ភេទប្រុស អាយុ៣០ឆ្នាំ មានទីលំនៅភូមិកោះខ្យងឃុំ អូរជ្រៅ ស្រុក ព្រៃនប់ ខេត្តព្រះសីហនុ និង ២- ឈ្មោះ ស៊ើង សឹង ភេទប្រុស អាយុ១៨ឆ្នាំ មានទីលំនៅភូមិកោះខ្យង ឃុំអូរជ្រៅ ស្រុកព្រៃនប់ ខេត្តព្រះសីហនុ ។
ជាមួយនេះផងដែរ សមត្ថកិច្ចបានដកហូត វត្ថុតាងរួមមាន៖ ម្សៅក្រាមសថ្លា សង្ស័យសារធាតុញៀន ចំនួន ១៤កញ្ចប់ (៤កញ្ចប់ធំ និង ១០កញ្ចប់តូច) និងទូរស័ព្ទ ចំនួន ២គ្រឿង ។
បច្ចុប្បន្នសមត្ថកិច្ចកំពុងកសាងសំណុំរឿងបញ្ជូនទៅសាលាដំបូងខេត្ត ចាត់ការតាមនីតិវិធី ៕ ឆ្លាម សមុទ្រ
